naat
حشر کے دن نفسی نفسی ہے سب کا دامن خالی ہے
حشر کے دن نفسی نفسی ہے سب کا دامن خالی ہے
ایک وہی تو شفیع لقب ہے جو مخلوق کا والی ہے
Hashr ke din nafsi nafsi hai sab ka daaman khaali hai
Aik wahi to shafi laqab hai jo makhlooq ka wali hai
رب سے جب بھی مانگا ہم نے صدقہء احمد مانگا
ہم کو ہمارے پیر نے کتنی اچھی عادت ڈالی ہے
Rab se jab bhi manga hum ne sadqa-e-Ahmad manga
Hum ko humaray pir ne kitni achi aadat dali hai
رب ہے معطی میں ہوں قاسم یہ ارشادِ رسالت ہے
اسی لیے تو ان کے در پر سارا جگ ہی سوالی ہے
Rab hai moti main hoon qasim ye irshad-e-rsalat hai
Isi liye to un ke dar par sara jag hi sawali hai
منکر اور نکیر نے ہم سے قبر میں جب دریافت کیا
جواب کی مشکل درود کی عادت نے پل بھر میں ٹالی ہے
Munkar aur Nakeer ne hum se qabr mein jab daryaft kiya
jawab ki mushkil durood ki aadat ne pal bhar mein tali hai
رفعتِ ذکرِ حبیب تو خود ہی ربِ قدیر کی سنّت ہے
گلشن گلشن ذکر انہیں کا چرچا ڈالی ڈالی ہے
Rafaat-e-zikr-e-Habib to khud hi Rab-e-qadeer ki sunnat hai
Gulshan gulshan zikr unhi ka chircha daali daali hai
نام محمد کے صدقے میں سارے دکھ ٹل جاتے ہیں
میم محمد کی برکت نے بگڑی بات سنبھالی ہے
Naam Muhammad ke sadqay mein saray dukh tal jate hain
Meem Muhammad ki barkat ne bigdi baat sambhali hai
انا اعطینک الکوثر شان ہے میرے آقا کی
ان کی ذاتِ مقدس نظمی کوثر و کثرت والی ہے
Inna a'tainaka al-kawthar shaan hai mere aqa ki
Un ki zaat-e-muqaddas nazmi kawthar o kasrat wali hai
کلک رضا کی برکت ہے یہ فیض ہے میرے مرشد کا
پوری مناظر کی فرمائش نظمی نے کر ڈالی ہے
Kalk-e-Raza ki barkat hai ye faiz hai mere murshid ka
Puri manazir ki farmaish nazmi ne kar dali hai
Share This Naat
Share with friends and family
حشر کے دن نفسی نفسی ہے سب کا دامن خالی ہے
سید آل رسول حسنین میاں برکاتی نظمی