باغِ دو عالم دم سے تمہارے ہے گلزار رَسُوْلُ اللہ
کون و مکاں ہیں رُخ سے تمہارے پر اَنوار رَسُوْلُ اللہ
Bagh-e do aalam dam se tumhare hai gulzar rasoool Allah
Kon o makaan hain rukh se tumhare par anwaar rasoool Allah
تم ہو حشر کے راج دُلارے نورِ الٰہی عرش کے تارے
نیا موری لگا دو کنارے کھیون ہار رَسُوْلُ اللہ
Tum ho hashr ke raj dulare noor-e ilahi arsh ke tare
Naya mori laga do kinare khayun haar rasoool Allah
مولیٰ تم نے ہمارے غم میں شب بھر روکر کی ہیں آہیں
اُمت پر ہے روزِ اَزَل سے کتنا پیار رَسُوْلُ اللہ
Maula tum ne humare gham mein shab bhar rokar ki hain aahein
Ummat par hai roz-e azal se kitna pyar rasoool Allah
بھولی بھیڑیں ہم ہیں تمہاری چاروں طرف ہیں گرگ شکاری
کوئی نہیں ہے بچانے والا ہو غم خوار رَسُوْلُ اللہ
Bholi bheeren hum hain tumhari charon taraf hain garg shikari
Koi nahi hai bachane wala ho gham khwar rasoool Allah
ہائے نہ کی کچھ ہم نے کمائی لہو و لعب میں عمر گنوائی
اب جو گھڑی پرسش کی آئی تم ہو یار رَسُوْلُ اللہ
Haye na ki kuch hum ne kamai lahu o laab mein umr ganwai
Ab jo ghari parsish ki aai tum ho yaar rasoool Allah
چاہو بگاڑو یا کہ سنبھالو چاہو ڈباؤ یا کہ نکالو
تم ہو ہمارے مالک و حاکم ہم لاچار رَسُوْلُ اللہ
Chaho bigaaro ya ke sambhalo chaho dubao ya ke nikaalo
Tum ho humare maalik o haakim hum laachaar rasoool Allah
مولیٰ چشم و قلب میں آجا لِلّٰہ ِ بختِ سیہ چمکا جا
اُجڑا بن ہے ہمارے دل کا کر گلزار رَسُوْلُ اللہ
Maula chashm o qalb mein ajaalillah bakht-e siyah chamka ja
Ujda ban hai humare dil ka kar gulzar rasoool Allah
کرکے شفاعت تم بخشاؤ دامن ڈھک کر عیب چھپاؤ
حشر میں اپنا کوئی نہیں ہے حامیٔ کار رَسُوْلُ اللہ
Karke shafaat tum bakshao daman dhak kar aib chhupao
Hashr mein apna koi nahi hai hami-e kaar rasoool Allah
راہ کٹھن اور دُور ہے منزل سر پر عصیاں پاؤں ہیں گھائل
ہائے چلیں ہم لے کر کیونکر یہ اَنبار رَسُوْلُ اللہ
Raah kathin aur door hai manzil sar par asyaan paon hain ghayal
Haye chalen hum le kar kiyon kar ye anbaar rasoool Allah
کھول دو گیسو برسے رحمت دُھل کر عصیاں پاک ہو امت
چمکے سیہ بختوں کی قسمت شب ہے تار رَسُوْلُ اللہ
Khol do gesu barse rehmat dhul kar asyaan paak ho ummat
Chamke siyah bakhton ki qismat shab hai taar rasoool Allah
ڈُوبا ہوا سورج پلٹا یا چاند کو ٹکڑے کرکے دکھایا
حکم سے تیرے کرسکے کوئی کب اِنکار رَسُوْلُ اللہ
Duba hua sooraj palta ya chaand ko tukde karke dikhaya
Hukm se tere kar sake koi kab inkaar rasoool Allah
چاہو جسے فردوس میں جا دو چاہو جسے دوزخ میں بھیجو
جنت و نار ہیں مِلک تمہاری ہو مختار رَسُوْلُ اللہ
Chaho jise firdous mein ja do chaho jise dozakh mein bhejo
Jannat o naar hain milk tumhari ho mukhtaar rasoool Allah
خود ہی خدا نے تم کو پڑھایا علم نہ تم سے کوئی چھپایا
رب نے تمہارے کھولے ہیں تم پر سب اَسرار رَسُوْلُ اللہ
Khud hi Khuda ne tum ko parhaya ilm na tum se koi chhupaya
Rab ne tumhare khole hain tum par sab asrar rasoool Allah
آج جمیلؔ قادری دِل سے ذِکر اپنے آقا کا کرلے
دُور کریں گے بیشک تیرے سب اَفکار رَسُوْلُ اللہ
Aaj Jameel Qadri dil se zikr apne aaqa ka kar le
Door karein ge beshak tere sab afkaar rasoool Allah
Share This Naat
Share with friends and family
باغِ دو عالم دم سے تمہارے ہے گلزار رَسُوْلُ اللہ
جمیل الرحمن قادری