ہر سانس ہجر شہ میں برچھی کی اک اَنی ہے
دیکھوں دیارِ طیبہ دل میں یہی ٹھنی ہے
Har saans hijr Shah mein barchhi ki ek ani hai
Dekhoun dayaar-e-Tayyiba dil mein yahi thni hai
اُٹھوں نہ مرکے بھی میں طیبہ کی رہگذر سے
محدود حاضری میں بگڑی کہیں بنی ہے
Uthoun na marke bhi mein Tayyiba ki rahguzar se
Mehdood haaziri mein bigri kahin bani hai
سرکار کی فضیلت لاریب، غیب لیکن
قرآں کے آئینے میں دیکھو تو دیدنی ہے
Sarkaar ki fazilat la raib, ghaib lekin
Quran ke aneene mein dekho to deedni hai
محشر کی دھوپ کیا ہے ہم عاصیوں کے حق میں
گیسوئے مصطفیٰ کی چھاؤں بہت گھنی ہے
Mahshar ki dhoop kya hai hum asiyoun ke haq mein
Gaisuye Mustafa ki chaaoun bohot ghani hai
گریہ پہ میرے نم ہیں کیوں اہل زر کی آنکھیں
ہر اشک ہجرِ شہ میں ہیرے کی اک کنی ہے
Giryah pe mere nam hain kyun ahl-e-zar ki aankhein
Har ashk hijr-e-Shah mein heeray ki ek kani hai
دنیا کما رہے ہیں جو دیں کا نام لے کر
یہ رہبری نہیں ہے واللہ رہزنی ہے
Dunya kama rahe hain jo deen ka naam le kar
Yeh rahbari nahi hai wallah rahzani hai
میدانِ کربلا میں ثابت ہوا یہ سچ مچ
جو قول کا دھنی ہے وہ فعل کا دھنی ہے
Maidaan-e-Karbala mein sabit hua yeh sach much
Jo qoul ka dhani hai woh fe'al ka dhani hai
جاں اے صبیح ؔ کیا ہے اس در پہ نذر کردو
دنیائے بے وفا سے کس کی سدا بنی ہے
Jaan ae Sabih kya hai is dar pe nazar kar do
Duniya-e-bewafa se kis ki sada bani hai
Share This Naat
Share with friends and family
ہر سانس ہجر شہ میں برچھی کی اک اَنی ہے
سید صبیح الدین صبیح رحمانی