ہوا ہے جلوہ نما وہ نگار آنکھوں میں
کہ آج پھول رہی ہے بہار آنکھوں میں
Hua hai jalwa numa wo nigar aankhon mein
ke aaj phool rahi hai bahar aankhon mein
نقاب اُٹھ گیا کیا رُوئے ماہِ طیبہ سے
کہ شش جہت سے ہے نور آشکار آنکھوں میں
Naqab uth gaya kya rooye maah e Taybah se
ke shash jehat se hai noor aashkar aankhon mein
نظر میں ایسا سمایا ہے گلشن طیبہ
کھلا ہوا ہے عجب لالہ زار آنکھوں میں
Nazar mein aisa samaya hai gulshan e Taybah
khula hua hai ajab laalazar aankhon mein
عروج پر ہو ہمارا ستارۂ قسمت
بنے تمہارا اگر رہ گزار آنکھوں میں
Urooj par ho humara sitara e qismat
bane tumhara agar reh guzar aankhon mein
تمہارے عارِضِ پرنور دیکھنے کے لیے
ہے جانِ زار بہت بے قرار آنکھوں میں
Tumhare ariz e parnoor dekhne ke liye
hai jaan e zar bohot beqaraar aankhon mein
پروئے جاتے ہیں مژگاں میں وقتِ ذِکر نبی
بھرے ہیں دُرِّعدن آبدار آنکھوں میں
Paroe jate hain mizhgaan mein waqt e zikr e Nabi
bhare hain dur e aden aabdar aankhon mein
ہے وقتِ نزع تسلیٔ جانِ مُضْطَر ہو
ذرا تو لیجئے دَم بھر قرار آنکھوں میں
Hai waqt e naza tasali e jaan e muztar ho
zara to lijiye dam bhar qarar aankhon mein
نہ کیوں لحد مری جنت کا اِک مکاں بن جائے
میں لے کے آیا ہوں تصویرِ یار آنکھوں میں
Na kiyun lahd meri jannat ka ik makaan ban jaye
mein le ke aaya hoon tasweer e yaar aankhon mein
جنہوں نے دیکھا تمہارا جمال ایک نظر
ہوا ہے جلوئہ حق آشکار آنکھوں میں
Jinhon ne dekha tumhara jamaal ek nazar
hua hai jalu e haq aashkar aankhon mein
میں لیکے کیا کروں گلہائے خلد اے زاہد
بسے ہوئے ہیں مَدینے کے خار آنکھوں میں
Mein le ke kya karun gulahaye khuld ae Zaahid
base hue hain Madine ke khaar aankhon mein
پسند اور نہیں کچھ بھی جز تصوّرِ یار
ہیں پتلیاں بھی بڑی ہوشیار آنکھوں میں
Pasand aur nahi kuch bhi juz tasawwur e yaar
hain putliyan bhi badi hoshiyaar aankhon mein
زمینِ طیبہ کو یوں فخر ہوگیا حاصل
لگائی خاکِ قدم بار بار آنکھوں میں
Zameen e Taybah ko yun fakhr ho gaya haasil
lagayi khaak e qadam baar baar aankhon mein
یہ کس نے نامِ مَدینہ لیا مرے آگے
کہ اَشک آگئے بے اِختیار آنکھوں میں
Yeh kis ne naam e Madina liya mere aage
ke ashk aa gaye be ikhtiyaar aankhon mein
مہِ مَدینہ کا دیکھا نہ چہرۂ اَنور
نگاہ روتی ہے یوں زار زار آنکھوں میں
Mah e Madina ka dekha na chehra e anwar
nigah roti hai yun zaar zaar aankhon mein
زمینِ طیبہ نہ کیوں آسماں سے اُونچی ہو
بنایا اس نے نبی کا مزار آنکھوں میں
Zameen e Taybah na kiyun aasmaan se oonchi ho
banaya us ne Nabi ka mazaar aankhon mein
رضا کے ہاتھ سے پی ہے جمیلؔ نے وہ مے
کہ جس کا روز بڑھے گا خمار آنکھوں میں
Raza ke haath se pee hai Jameel ne wo may
ke jis ka roz badhe ga khumaar aankhon mein
Share This Naat
Share with friends and family
ہوا ہے جلوہ نما وہ نگار آنکھوں میں
جمیل الرحمن قادری