دل میں پیدا کیجیے ڈر کاتبِ تقدیر کا
تب اثر دشمن پہ ہوگا نعرۂ تکبیر کا
Dil mein peda kijiye darr katib-e-taqdeer ka
Tab asar dushman pe hoga naara-e-takbeer ka
نور پھیلا چار سو اسلام کی تنویر کا
ختم قصہ ہو گیا باطل کی ہر تدبیر کا
Noor phaila chaar soo Islam ki tanveer ka
Khatam qissa ho gaya baatil ki har tadbeer ka
داعیِ امن و محبت کی ہوئی جلوہ گری
ہوگیا دو لخت حلقہ ظلم کی زنجیر کا
Daa'i-e-aman-o-mohabbat ki hui jalwagari
Hogaya do lakht halqa zulm ki zanjeer ka
درس و تبلیغِ مساواتِ پیمبر کے طفیل
ہو گیا تبدیل نقشہ دہر کی تقدیر کا
Dars-o-tabligh-e-masaawat-e-paighambar ke tufail
Ho gaya tabdeel naqsha daher ki taqdeer ka
تیری عظمت کے فقط ہم ہی نہیں ہیں معترف
ہے فرازِ عرش پر پرچم تری توقیر کا
Teri azmat ke faqat hum hi nahi hain mu'atarif
Hai faraz-e-arsh par parcham teri tauqeer ka
اس میں تخریب و تشدد کا نہیں گرد و غبار
مذہبِ اسلام ہے اک آئنہ تعمیر کا
Is mein takhreeb-o-tashaddud ka nahi gard-o-ghubar
Mazhab-e-Islam hai ek aanah tamir ka
حضرتِ صدیق نے بن کر عزائم کی چٹان
وار خالی کر دیا فتنہ گروں کے تیر کا
Hazrat-e-Siddiq ne ban kar azaem ki chatan
Waar khaali kar diya fitna garon ke teer ka
کیا حسیں جمہوریت کا دور تھا دورِ عمر
ہر طرف تھا نور غالب عدل کی تنویر کا
Kya haseen jamhuriat ka daur tha daur-e-Umar
Har taraf tha noor ghalib adl ki tanveer ka
سرورِ دیں نے عطا کیں عقد میں دو بیٹیاں
اللہ اللہ مرتبہ عثمان کی توقیر کا
Sarwar-e-deen ne ata keen aqd mein do betiyan
Allah Allah rutba Usman ki tauqeer ka
محوِ حیرت کفر تھا خیبر میں جلوہ دیکھ کر
زورِ بازوئے علی کا، حیدری شمشیر کا
Mahw-e-hairat kufr tha Khyber mein jalwa dekh kar
Zor-e-bazu-e-Ali ka, Haidari shamsheer ka
بخش دے شہرِ نبیؐ کی خاکروبی کا شرف
یا خدا احسنؔ نہیں خواہاں کسی تشہیر کا
Bakhsh de shehr-e-Nabiؐ ki khakroobi ka sharaf
Ya Khuda Ahsanؔ nahi khuwaah na kisi tashheer ka
Share This Naat
Share with friends and family
دل میں پیدا کیجیے ڈر کاتبِ تقدیر کا
احسن اعظمی