مقبول نہ ہوں در پہ یہ امکاں تو نہیں ہے
پر لفظ کوئی آپؐ کے شایاں تو نہیں ہے
Maqbool na hoon dar pe yeh emkaan to nahin hai
Par lafz koi aapؐ ke shayaan to nahin hai
اصحاب نے ہر چیز لُٹا دی ہے نبیؐ پر
یہ عشق کا دعویٰ کوئی آساں تو نہیں ہے
As'haab ne har cheez luta di hai Nabiؐ par
Yeh ishq ka daawa koi aasan to nahin hai
ہے نعت قدم بوسیِ سرکارِؐ دو عالم
یہ حسنِ سخن کا کوئی میداں تو نہیں ہے
Hai na'at qadam bosi-e-Sarkar-eؐ do aalam
Yeh husn-e-sukhan ka koi meydan to nahin hai
یہ میرے درودوں میں کمی کس کیلئے آقاؐ
رحمت ترے رب کی کہیں نالاں تو نہیں ہے
Yeh mere duroodon mein kami kis ke liye Aaqaؐ
Rehmat tere Rab ki kahin nalaan to nahin hai
بے باک دلوں کو ہے توجہ تری درکار
دُنیا کے ہیں غم پر غمِ عصیاں تو نہیں ہے
Bebaak dilon ko hai tawajjoh teri darkaar
Duniya ke hain gham par gham-e-isyaan to nahin hai
جو دینے سے پہلے مرے اطوار کو تولے
ایسی مری سرکارؐ کی میزاں تو نہیں ہے
Jo dene se pehle mere atwaar ko toley
Aisi meri Sarkarؐ ki mezan to nahin hai
آقاؐ تری سیرت کے یہ انوار عطا ہوں
ہمسائے سے پوچُھوں تو پریشاں تو نہیں ہے
Aaqaؐ teri seerat ke yeh anwaar ata hon
Hamsaye se poochhoon to pareshan to nahin hai
ہے قلبِ جہاں پر بھی سدا جس کی حکومت
اِس خُلق کا حامل کوئی سلطاں تو نہیں ہے
Hai qalb-e-jahan par bhi sada jis ki hukoomat
Is khulq ka haamil koi sultan to nahin hai
جو طعنہ زنی پاک صحابہؓ پہ ہے کرتا
خود نجس ہے بدبخت وہ انساں تو نہیں ہے
Jo taana zani paak sahabaؓ pe hai karta
Khud najis hai badbakht woh insaan to nahin hai
بیٹھا ہی رہے گا یہ شکیلؔ آپ کے در پر
یہ رونقِ دُنیا مرا ارماں تو نہیں ہے
Baitha hi rahe ga yeh Shakeelؔ aap ke dar par
Yeh ronq-e-duniya mera armaan to nahin hai
Share This Naat
Share with friends and family
مقبول نہ ہوں در پہ یہ امکاں تو نہیں ہے
محمد شکیل نقشبندی