اگر دل میں شہنشاہِ مدینہ کی محبت ہے
یہی ایمان کا مقصود ہے اور راہِ جنت ہے
Agar dil mein shahenshah-e-Madina ki mohabbat hai
Yehi imaan ka maqsood hai aur raah-e-jannat hai
دِلوں کو اپنے اُن کی یاد سے معمور تم رکھنا
سکونِ زندگانی ذِکرِ آقا کی بدولت ہے
Dilon ko apne un ki yaad se maamoor tum rakhna
Sukoon-e-zindgani zikr-e-aqa ki badolat hai
ہجومِ ابتلاء و غم اگرچہ ہے تو کیا پروا
مرے احوال سے شاہِ زمن کو واقفیت ہے
Hajoom-e-ibtala wa gham agarche hai to kya parwa
Mere ahwal se shah-e-zaman ko waqfiyat hai
مُزیّن اُن کی سیرت سے کرو تم زندگی اِس میں
نجات و کامرانی ہے بشر کی سالمیت ہے
Muzayyan un ki seerat se karo tum zindagi is mein
Nijaat wa kamrani hai bashar ki saalimiat hai
کرم سے اُن کے جو لمحات طیبہ میں گُزارے ہیں
اُنھیں لمحات کا ہر پل مرے دل میں ودیعت ہے
Karam se un ke jo lamhaat tayyiba mein guzare hain
Unhein lamhaat ka har pal mere dil mein wadiyat hai
دیا آقا نےجو حج الوداع میں آخری خطبہ
نہایت دِلنشیں باتیں ہیں ان میں جامعیَّت ہے
Diya aqa ne jo Hajj al-widaa mein aakhri khutba
Nihayat dilnasheen baatein hain un mein jami'iyat hai
نبی کے چار یاروں کی ہر اِک خوبی نرالی ہے
صداقت ہے عدالت ہے سخاوت ہے شُجاعت ہے
Nabi ke chaar yaaron ki har ik khoobi nirali hai
Sadaqat hai adalat hai sakhaawat hai shuja'at hai
تُجھے کیا خوف محشر کا تری بگڑی بنانے کو
شفیعِ عاصیاں کی جب کہ اے مرزا شفاعت ہے
Tujhe kya khauf-e-mahshar ka teri bigri banane ko
Shafee-e-aasiyaan ki jab ke ae Mirza shafaat hai
Share This Naat
Share with friends and family
اگر دل میں شہنشاہِ مدینہ کی محبت ہے
مرزا جاوید بیگ عطاری