ہونا ہے گر شمار صفِ کامیاب میں
ہو جا غریق حُبِ رسالت مآبؐ میں
hona hai gar shumaar saf-e-kaamyab mein
ho ja ghareeq hub-e-risalat maabﷺ mein
کب اذنِ حاضری ملے طیبہ میں پہنچوں کب
رہتا ہوں صبح و شام اسی اضطراب میں
kab izn-e-haazri mile tayyaba mein pohanchu kab
rehta hoon subah o shaam isi izteraab mein
خوش بخت وہ غلامِ پیمبر ہے واقعی
دیدِ حضور جس کو میسّر ہو خواب میں
khush bakht woh ghulaam-e-paighambar hai waqai
deed-e-hazoor jisko mayassar ho khwab mein
فیضِ قدومِ صاحبِ معراج کے طفیل
تابندگی ہے انجمنِ ماہتاب میں
faiz-e-qadom-e-sahib-e-me'raj ke tufail
taabindi hai anjuman-e-mahtaab mein
ناداں نہ ڈھونڈھ آیتِ تضحیکِ مصطفیٰؐ
نعتِ حضورؐ صرف ہے اُم الکتاب میں
naadan na dhoondh aayat-e-tazheek-e-Mustafaﷺ
naat-e-hazoorﷺ sirf hai um-ul-kitab mein
جس کو سند ملے گی غلامِ رسولؐ کی
ہوگا وہ روزِ حشر صفِ کامیاب میں
jis ko sanad mile gi ghulaam-e-rasoolﷺ ki
hoga woh roz-e-hashar saf-e-kaamyab mein
اس کے اثر سے ختم ہو آشوبِ چشم تک
ایسی شفا ہے میرے نبیؐ کے لعاب میں
is ke asar se khatam ho aashob-e-chashm tak
aisi shifa hai mere Nabiﷺ ke luaab mein
ہو جائے جس کے پینے سے بندہ خدا شناس
ایسا نشہ ہے عشقِ نبیؐ کی شراب میں
ho jaye jis ke peene se banda khuda shanaas
aisa nasha hai ishq-e-Nabiﷺ ki sharaab mein
دنیا میں جگمگائے گا پھرعدل کا چراغ
آئینِ مصطفیٰؐ جو ہو شامل نصاب میں
duniya mein jagmagae ga phir adal ka charagh
aaeeni-e-Mustafaﷺ jo ho shaamil nasab mein
احسؔن مرے لیے ہے یہ معراجِ زندگی
شامل ہوں مدح خوانِ رسالت مآبؐ میں
Ahsan mere liye hai ye ma'raj-e-zindagi
shaamil hoon madh khuwan-e-risalat maabﷺ mein
Share This Naat
Share with friends and family
ہونا ہے گر شمار صفِ کامیاب میں
احسن اعظمی