ہوں دامن میں انبار بھی گر عمل کے
ہے راحت شہا ! تیرے رستے پہ چل کے
Hoon daman mein anbaar bhi gar amal ke
Hai rahat shaha! Tere rastay pe chal ke
ہے چلنا یہ تلوار پر یُوں سمجھ لو
یہ نعتِ نبی ہے سو لکھنا سنبھل کے
Hai chalna ye talwar par yoo samajh lo
Ye na'at-e-Nabi hai so likhna sambhal ke
زمانے میں اُس کو ملا کب ٹھکانہ
گیا تیرے در سے جو پہلو بدل کے
Zamane mein us ko mila kab thikana
Gaya tere dar se jo pehlu badal ke
بچھڑنا مدینے سے جب یاد آیا
تو آیا ہے منہ کو کلیجہ اُچھل کے
Bichharna Madine se jab yaad aaya
To aaya hai munh ko kaleja uchhal ke
وہ آبِ وضو اُن کا چہرے پہ مَلتے
صحابہؓ محبّت میں آگے نکل کے
Woh aab-e-wudu un ka chehre pe malte
Sahabaؓ mohabbat mein aage nikal ke
حبیبِ خُداکے جو در سے جُڑے ہیں
وہ محبوب ہیں مالکِ لَم یَزَل کے
Habib-e-Khuda ke jo dar se jude hain
Woh mahboob hain malik-e-lam yazal ke
ملا حُکمِ آذاں بلالِؓ حبش کو
چڑھا سقفِ کعبہ پہ عاشق مچل کے
Mila hukm-e-azaan Bilalؓ-e-Habash ko
Charha saqaf-e-Ka'bah pe aashiq machal ke
ڈھلکنے لگے یادِ آقا میں آنسو
دو آنکھوں کے حلقوں سے باہر نکل کے
Dhalakne lage yaad-e-Aaqa mein aansu
Do aankhon ke halqon se bahar nikal ke
جلیل اُن کو دُنیا نے سر پر بٹھایا
جئے مُصطفٰے کی جو سیرت میں ڈھل کے
Jaleel un ko duniya ne sar par bithaaya
Jiye Mustafa ki jo seerat mein dhal ke
Share This Naat
Share with friends and family
ہوں دامن میں انبار بھی گر عمل کے
حافظ عبدالجلیل