ہر ذرّہ ء وجود سے اُن کو پُکار کے
صحراؤں میں بھی گِیت سُنے آبشار کے
Har zarra e wujood se un ko pukar ke
Sahrão mein bhi geet sune aabshar ke
مُجھ کو انھوں نے اپنی پناہوں میں کیا لیا
قبضے سے ہی نِکل گیا اپنے مدار کے
Mujh ko inhon ne apni panahón mein kya lia
Qabze se hi nikal gaya apne madar ke
مَیں لمحہ لمحہ خرچ کروں اُن سے پُوچھ کر
مالک ہیں اب وہی مرے لَیل و نہار کے
Main lamha lamha kharch karun un se poochh kar
Malik hain ab wohi mere leil o nahar ke
آؤ چلو حضور کے دربار میں چلیں
میلے لگے ہیں رحمتِ پروردگار کے
Aao chalo huzoor ke darbar mein chalein
Mele lage hain rehmat e parwardigar ke
یہ کِس کے راستوں کی جمی دُھول جسم پر
موسم ٹھہر گئے مِرے اندر بہار کے
Yeh kis ke raastón ki jami dhool jism par
Mausam theher gaye mere andar bahar ke
آنکھوں پہ ہاتھ کِس کے تصوّر نے رکھ دیا
منظر دکھائی دینے لگے آر پار کے
Aankhón pe hath kis ke tasawwur ne rakh dia
Manzar dikhai dene lage aar paar ke
ہر روشنی کو مَیں نے مُرید اپنا کر لیا
سینے میں اِک شعاعِ مُحمّؐد اُتار کے
Har roshni ko main ne mureed apna kar liya
Seene mein ik shua e Muhamd utar ke
عشقِ رسُول کا یہ مظفّؔر کمال ہے
دونوں جہان جِیت لیے خود کو ہار کے
Ishq e Rasool ka yeh Muzaffar kamaal hai
Dono jahan jeet liye khud ko haar ke
Share This Naat
Share with friends and family
ہر ذرّہ ء وجود سے اُن کو پُکار کے
مظفر وارثی