ہر ویلے لگی رہندی اے اکھیاں نوں تاہنگ مدینے دی
بین تیر فراق دا کُھب گئی اے وچ دل دے سانگ مدینے دی
har wele lagi rehandi ae akhiyaan noon tahang Madine di
bain teer faraq da khub gayee ae vich dil de saang Madine di
اوہ سدا تڑپدے رہندے نے اوہ سدا پھڑکدے رہندے نے
جہناں نے جدائی جھلی اے جامی دے وانگ مدینے دی
oh sada tarpdai rehnde ne oh sada phadakde rehnde ne
jihan ne judai jhalhi ae Jami de waang Madine di
انسان فدائی اس پاسے حوراں شیدائی اُس پاسے
دنیا وچ مانگ مدینے دی جنت وچ مانگ مدینے دی
insaan fidaee is pase hooraan shidaee us pase
duniya vich maang Madine di jannat vich maang Madine di
ہو نینواں سی آسمان گیا ٹُٹ جنت دا سی مان گیا
دھرتی دیاں واہ کے زُلفاں نوں رب بھری جاں مانگ مدینے دی
ho neenwaan si aasman gaya tut jannat da si maan gaya
dharhti diyann waah ke zulfaan noon Rab bhari jaan maang Madine di
تھاں تھاں تے نُور دے جلوے نے تھاں تھاں تے عشق دے سجدے نے
بھاری اے ساری دھرتی توں تھاں چند فرلانگ مدینے دی
thaan thaan te noor de jalwe ne thaan thaan te ishq de sajde ne
bhaari ae saari dharhti toon thaan chand farlang Madine di
وس پیندا عشق دا ویہڑا اے ڈب جاندا عقل دا بیڑا اے
جد صائم قلب سمندر چوں اُٹھدی اے کانگ مدینے دی
vas painda ishq da wehra ae dab janda aql da bera ae
jad Saem qalb samundar chon uthdi ae kaang Madine di
Share This Naat
Share with friends and family
ہر ویلے لگی رہندی اے اکھیاں نوں تاہنگ مدینے دی
علامہ صائم چشتی