آجاؤ رحمتوں کے خزینے کے سامنے
پھیلے ہیں سَب کے ہاتھ مدینے کے سامنے
Aajao rehmaton ke khazane ke samne
Phaile hain sab ke hath madine ke samne
اللہ رے یہ شان دَیارِ حبیبؐ کی
کعبہ جُھکا ہوا ہے مدینے کے سامنے
Allah re yeh shaan dayaar-e-Habib ke
Kaaba jhuka hua hai madine ke samne
دُنیا میں نِکہتوں پہ جنہیں بھی غُرور ہے
سارے خجل ہیں اُن کے پسینے کے سامنے
Duniya mein nikhatoon pe jinhein bhi ghuroor hai
Saare khajal hain un ke pasine ke samne
سرکش بنے مُجسمہ عِجزو اِنکسار
اَخلاقِ مُصطفےٰ کے قرینے کے سامنے
Sarkash bane mujasma e ajzo inquear
Akhlaq-e-Mustafa ke qareene ke samne
جب کہہ لیا خلوص سے یا مُصطفےٰ مَدد
ساحِل خود آگیا ہے سفینے کے سامنے
Jab keh liya khuloos se ya Mustafa madad
Saahil khud aagaya hai safeene ke samne
یہ اِفتخار اَور کسی کو نہیں نصیب
ہر سَر جُھکا ہوا ہے مدینے کے سامنے
Yeh iftekhaar aur kisi ko nahin naseeb
Har sar jhuka hua hai madine ke samne
خالدؔ بلائیں مُجھ کو جو آقائے نامدار
دیکھوں میں رقص روحِ مدینے کے سَامنے
Khalid bulayein mujh ko jo aaqaye naamdar
Dekhun mein raqs rooh-e-madine ke samne
Share This Naat
Share with friends and family
آجاؤ رحمتوں کے خزینے کے سامنے
خالد محمود خالد