ہَر کلی دِل کی مُسکرائی ہے
جب مدینے کی یاد آئی ہے
Har kali dil ki muskurai hai
Jab madine ki yaad aai hai
ہے رُخِ مُصطفےٰ وہ آئینہ
جِس میں خالِق کی رو نمائی ہے
Hai rukh-e-Mustafa woh aina
Jis mein Khaaliq ki ro numaai hai
شافعِ عَاصیاں محمدؐ ہیں
بات اپنی بنی بنَائی ہے
Shafi-e-aasiyan Muhammad (SAW) hain
Baat apni bani banai hai
غم کا مارا ہوں بے سَہارا ہوں
لاج والے تِری دُھَائی ہے
Gham ka mara hoon be sahara hoon
Laaj wale teri dhuhaai hai
دَردِ عِشق نبی خدا رکھے !
بے کسی کی یہی کمائی ہے
Dard-e-ishq Nabi Khuda rakhe!
Be kasi ki yehi kamai hai
بزمِ کونین! یارسول اللہ ؐ
تیرے جلوؤں سے جگمگائی ہے
Bazm-e-Kawnein! Ya Rasool Allah (SAW)
Tere jalo’on se jagmagai hai
کیوں نہ مشکل کشا کہوں تم کو
تم نے بِگڑی ِ مِری بنائی ہے
Kyun na mushkil kusha kahoon tum ko
Tum ne bigdi meri banai hai
ہے تصّور میں گنبدِ خِضرا
بس یہی میری پارسائی ہے
Hai tassawur mein gumbad-e-Khizra
Bas yehi meri parsai hai
اس کی کشتی کو خوف کیا جِس نے
کملی والے سے لَو لگائی ہے
Us ki kashti ko khauf kya jis ne
Kamli wale se lo lagai hai
جِس کے ہاتھوں میں ان کا دامن ہے
اس کے قبضے میں سب خدائی ہے
Jis ke haathon mein un ka daman hai
Us ke qabze mein sab khudai hai
ہیں شہنشاہ تیرے در کے گدا
بادشاہی تِری گدائی ہے
Hain shehnshah tere dar ke gada
Badshaahi teri gadaai hai
ایسے مستوں کا کیف کیا کہنا
جِن کو سرکارؐ نے پِلائی ہے
Aise maston ka kaif kya kehna
Jin ko Sarkar (SAW) ne pilaai hai
نزع میں ، قبر میں ، سرِ محشر
آپؐ کی یاد کام آئی ہے
Naza mein, qabr mein, sar-e-mahshar
Aap (SAW) ki yaad kaam aai hai
رحمتِ دو جہاں تِرے صدقے
سَب نے مُنہ مانگی بھیک پائی ہے
Rehmat-e-do jahan tere sadqe
Sab ne munh maangi bheek paai hai
اُن پہ ہر دم دُرود پڑھ خالدؔ
کہ یہی شغلِ کِبریائی ہے
Un pe har dam durood parh Khalid
Ke yehi shughul-e-Kabiraai hai
Share This Naat
Share with friends and family
ہَر کلی دِل کی مُسکرائی ہے
خالد محمود خالد