طیبہ میں ہے قرار دلِ بے قرار کا
یہ شہرِ جاوداں ہے مرے تاجدارؐ کا
Tayyaba mein hai qarar dil-e-beqarar ka
Yeh shahr-e-javedaan hai mere Tajdarؐ ka
رونق ہے کائنات کی ربّ کے حبیبؐ سے
احساں ہے کائنات پہ پروردگار کا
Ronaq hai kainaat ki Rabb ke Habibؐ se
Ehsaan hai kainaat pe Parwardigar ka
آقاؐ ہے تیریؐ دید کی حسرت بھی معجزہ
لیتے رہیں گے لطف ترےؐ انتظار کا
Aaqaؐ hai teriؐ deed ki hasrat bhi mojza
Lete rahein ge lutf tereؐ intezaar ka
دیتا یہی ہے پھول زمانے کو رنگ و بو
تازہ ہے پھول آج بھی پہلی بہار کا
Deta yahi hai phool zamane ko rang o boo
Taaza hai phool aaj bhi pehli bahar ka
راہوں میں کہکشائیں بچھائے ہوئے فلک
مدت سے منتظر ہے اُسی شہسوار کا
Raahon mein kahkashayen bichae hue falak
Muddat se muntazir hai usi shehsawar ka
کر دیجئے مدینے کا مجھ کو سفر عطا
چرچا ہے دوجہاں میں ترےؐ اختیار کا
Kar dijiye Madine ka mujh ko safar ata
Charcha hai do jahan mein tereؐ ikhtiyar ka
Share This Naat
Share with friends and family
طیبہ میں ہے قرار دلِ بے قرار کا
اشفاق احمد غوری