مدینے کی طرف پھر کب روانہ قافِلہ ہوگا
مجھے اِذنِ مدینہ کب مرے آقا عطا ہوگا
Madeene ki taraf phir kab rawana qafila hoga
Mujhe izin-e-Madina kab mere aaqa ata hoga
یقینا روزِ محشر صِرف اُسی سے خوش خدا ہوگا
یہاں دنیا میں جس نے مصطَفٰے کو خوش کیا ہوگا
Yaqeenan roz-e-mahshar sirf usi se khush Khuda hoga
Yahan duniya mein jis ne Mustafa ko khush kiya hoga
وُہی سَر بَر سرِ محشر بُلندی پائے گا جو سر
یہاں دنیا میں ان کے آستانے پرجُھکا ہوگا
Wohi sar bar sar-e-mahshar bulandi paayega jo sar
Yahan duniya mein un ke aastane par jhuka hoga
کوئی ہفتہ نہ کوئی دن کوئی گھنٹا تو کیا افسوس
کوئی لمحہ بھی عِصیاں سے نہیں خالی گیا ہوگا
Koi hafta na koi din koi ghanta to kya afsos
Koi lamha bhi isyan se nahi khaali gaya hoga
نہیں جاتی گناہوں کی شہا! عادت نہیں جاتی
کرم مولیٰ پسِ مُردَن نہ جانے میرا کیا ہوگا
Nahi jaati gunahon ki sha! aadat nahi jaati
Karam Mola pas-e-mardan na jaane mera kya hoga
فَقَط نیکوں پہ ہوگا گر کرم اے سروَرِعالم!
کہاں جا ئے گا وہ بندہ جو بد ہوگا بُرا ہوگا
Faqat nekon pe hoga gar karam ae Sarwar-e-alam!
Kahan jaayega wo banda jo bad hoga bura hoga
تِرے رَحم و کرم پر آس میں نے باندھ رکھی ہے
بڑی اُمّید ہے آقا! کرم روزِ جزا ہوگا
Tere rahm o karam par aas main ne baandh rakhi hai
Bari umeed hai aaqa! karam roz-e-jaza hoga
نبی کے عاشِقوں کو موت تو انمول تحفہ ہے
کہ ان کو قبر میں دیدارِ شاہِ اَنبیا ہوگا
Nabi ke aashiqon ko maut to anmol tohfa hai
Ke un ko qabr mein deedaar-e-Shah-e-Ambiya hoga
اندھیری گور ہے تنہا ہوں مجھ پر خوف طاری ہے
تم آؤ گے تو آقا دُور اندھیرا قبر کا ہوگا
Andheri gor hai tanha hoon mujh par khauf taari hai
Tum aao ge to aaqa door andhera qabr ka hoga
فِرِشتے قبر میں پوچھیں گے جب مجھ سے سُوال آکر
مِرے لب پر ترانہ اِنْ شَآءَ اللہ نعت کا ہوگا
Firishte qabr mein poochhenge jab mujh se sawaal aakar
Mere lab par taraana In Sha Allah Naat ka hoga
نبی کے عاشِقوں کی عید ہوگی عید محشر میں
کوئی قدموں میں ہوگا کوئی سینے سے لگا ہوگا
Nabi ke aashiqon ki Eid hogi Eid-e-Mahshar mein
Koi qadmon mein hoga koi seene se laga hoga
ترے دامانِ رَحمت کی کُھلے گی حشر میں وُسعت
وہ آآکر چُھپے گا جو گنہگار اور بُرا ہوگا
Tere daaman-e-rahmat ki khulegi hashar mein wusat
Wo aakar chhupega jo gunahgaar aur bura hoga
تسلّی رکھ تسلّی رکھ نہ گھبرا حشر سے عطارؔ
تِرا حامی وہاں پر آمِنہ کا لاڈلا ہوگا
Tasalli rakh tasalli rakh na ghabra hashar se Attar
Tera haami wahan par Amina ka laadla hoga
نہ گھبرا موت سے عطارؔ بَرزَخ میں تُو مِل لینا
وہاں غوثُ الوَرا ہونگے وہاں احمدرضا ہوگا
Na ghabra maut se Attar barzakh mein tu mil lena
Wahan Ghaus-ul-wara honge wahan Ahmad Raza hoga
Share This Naat
Share with friends and family
مدینے کی طرف پھر کب روانہ قافِلہ ہوگا
الیاس عطار قادری