دل کی ہر ایک بات دِل پہ کوئی جفا نہ کر
دل ہَے گذرگہ حبیب اس کو کبھی خفا نہ کر
Dil ki har aik baat dil pe koi jafa na kar
Dil hai guzargah habib is ko kabhi khafa na kar
عِشق کی آبرو نہ کھو حُسن کی بے رُخی نہ دیکھ
اپنی وفا پہ رکھ نظر ان کا کبھی گِلا نہ کر
Ishq ki aabroo na kho husn ki bay rukhi na dekh
Apni wafa pe rakh nazar un ka kabhi gila na kar
ساقی کی سِمت کان رکھ زاہدِ خُشک کی نہ سُن
عِشق کا احترام سیکھ عقل کی اقتدا نہ کر
Saqi ki simt kaan rakh zahid-e-khushk ki na sun
Ishq ka ehtram seekh aql ki iqtada na kar
ذوقِ نگاہ کو نہ کر مرہونِ جلوہ ہائے حُسن
حُسن کی جلوہ گاہ دیکھ جلووں پہ اکتفانہ کر
Zauq-e-nigah ko na kar marhoon-e-jalwa haaye husn
Husn ki jalwa gah dekh jalwon pe iktefa na kar
جینے کی آرزو نہ کر مقصدِ زندگی سمجھ
عشرتِ خُلد کے لئے مرنے کی التجا نہ کر
Jeene ki aarzo na kar maqsad-e-zindagi samajh
Ishrat-e-khuld ke liye marne ki iltija na kar
اعظم خستہ خُو گر رنج و الم ازل سے ہَے
جِس سے سکُوں نصیب ہُو ایسی کوئی دُعا نہ کر
Aazam khasta khu gar ranj o alam azal se hai
Jis se sukoon naseeb ho aisi koi dua na kar
Share This Naat
Share with friends and family
دل کی ہر ایک بات دِل پہ کوئی جفا نہ کر
محمد اعظم چشتی