ہمارے دل سے زمانے کے غم مٹا یارب
ہو میٹھے میٹھے مدینے کا غم عطا یارب
Humaray dil say zamane ke gham mita Yarab
Ho meethay meethay Madine ka gham ata Yarab
غمِ حیات ابھی راحتوں میں ڈھل جائیں
تری عطا کا اشارہ جو ہو گیا یارب
Gham-e hayat abhi rahatoun mein dhal jayen
Teri ata ka isharah jo ho gaya Yarab
پئے حُسین و حَسَن فاطمہ علی حیدر
ہمارے بگڑے ہوئے کام دے بنا یارب
Paey Hussain-o-Hasan Fatima Ali Haider
Humaray bigray huay kaam day bana Yarab
ہماری بگڑی ہوئی عادتیں نکل جائیں
ملے گناہوں کے اَمراض سے شِفا یارب
Hamari bigri hui adatein nikal jayen
Milay gunahoun ke amraz se shifa Yarab
مجھے دے خود کو بھی اور ساری دنیا والوں کو
سُدھارنے کی تڑپ اور حوصَلہ یارب
Mujhay day khud ko bhi aur sari duniya walon ko
Sudharne ki tarap aur hosla Yarab
ہمیشہ ہاتھ بھلائی کے واسِطے اٹّھیں
بچانا ظلم و ستم سے مجھے سدا یارب
Hamesha haath bhalai ke vaste atthain
Bachana zulm-o-sitam se mujhe sada Yarab
رہیں بھلائی کی راہوں میں گامزن ہر دم
کریں نہ رُخ مرے پاؤں گناہ کا یارب
Rahain bhalai ki raho mein gamzan har dam
Karain na rukh maray paon gunah ka Yarab
گناہ گار طلبگارِ عَفو و رحمت ہے
عذاب سَہنے کا کس میں ہے حوصَلہ یارب
Gunahgar talabgar-e afw-o-rehmat hai
Azab sahne ka kis mein hai hosla Yarab
کرم سے’’ نیکی کی دعوت‘‘ کا خوب جذبہ دے
دوں دھوم سنّتِ محبوب کی مچا یارب
Karam se "neki ki dawat" ka khoob jazbah day
Doon dhoom sunnat-e mehboob ki macha Yarab
عطا ہو دعوتِ اسلامی کو قبولِ عام
اسے شُرُور وفتن سے سدا بچا یارب
Ata ho Dawat-e-Islami ko qubool-e-aam
Isay shurr-o-fitan se sada bacha Yarab
میں پُل صراط بِلا خوف پار کر لوں گا
ترے کرم کا سہارا جو مل گیا یارب
Mein pul sirat bila khauf par kar loon ga
Tere karam ka sahara jo mil gaya Yarab
کہیں کا آہ! گناہوں نے اب نہیں چھوڑا
عذابِ نار سے عطاؔر کو بچا یارب
Kahin ka aah! Gunahon ne ab nahi chhoda
Azab-e-naar se Attar ko bacha Yarab
Share This Naat
Share with friends and family
ہمارے دل سے زمانے کے غم مٹا یارب
الیاس عطار قادری