الٰہی شاد ہوں میں تیرے آگے ہاتھ پھیلاکر
مری اس کیفیت کو اپنی رحمت سے پذیرا کر
Ilahi shaad hoon main tere aage haath phela kar
Meri is kefiyat ko apni rehmat se pazeera kar
بھٹکتی آنکھ کو مرکوز فرما صبغتہ اللہ پر
دلِ بے تاب کو خوشبوئے یٰسیں سے شکیبا کر
Bhatakti aankh ko markooz farma sibghatullah par
Dil-e-betaab ko khushbu-e-yaseen se shakeeba kar
مری بھیگی ہوئی پلکیں مخاطب ہیں تو بس تجھ سے
مری تقدیر کے تاریک غاروں میں اجالا کر
Meri bheegi hui palken mukhatib hain to bas tujh se
Meri taqdeer ke tareek gharon mein ujala kar
مرے چاروں طرف ہے، رقصِ وحشت روک دے اس کو
مرے اندر جو دشمن بڑھ رہا ہے اُس کو پسپا کر
Mere chaaro taraf hai, raqs-e-wahshat rok de is ko
Mere andar jo dushman barh raha hai us ko paspa kar
رسُولِؐ پاک کے رستے سے ہٹ کر خوار ہے امّت
امین اس کو فلاح وخیر کا پھر سے خدایا کر
Rasool-e-Pak ke raste se hat kar khwar hai ummat
Ameen is ko falah o khair ka phir se khudaya kar
فروغ اقدارِ پیغمبرؐ کا ہو پھر سے زمانے میں
پریشاں آدمیّت پر کرم کا باب پھروَاکر
Faroogh aqdar-e-paighambar ka ho phir se zamane mein
Pareshan aadmiat par karam ka bab farwa kar
دُعائے سیّدؐ سادات سینے میں فروزاں ہے
حسیں کر دے مری دنیا، حسیں تر میری عقبہ کر
Dua-e-syed sadat seene mein farozan hai
Haseen kar de meri duniya, haseen tar meri aqibah kar
ترے محبوبؐ کی توصیف میں لب کھولتا ہوں مَیں
بہاراں آشنا یارب مری سوچوں کا صحرا کر
Tere mahboob ki toseef mein lab kholta hoon main
Baharaan aashna ya rab meri sochon ka sehra kar
زوال آمادہ ہیں ہرچند اعصاب و قویٰ پھر بھی
جواں رکھ میرے جذبوں کو مرے لفظوں کو اجلا کر
Zawal amada hain harchand asaab o qowa fir bhi
Jawan rakh mere jazbon ko mere lafzon ko ujala kar
Share This Naat
Share with friends and family
الٰہی شاد ہوں میں تیرے آگے ہاتھ پھیلاکر
حفیظ تائب