میں خاکسار بھلا کس شمار میں یارب
رہوں ہمیشہ میں تیرے حصار میں یارب
Main khaksar bhala kis shumaar mein Yarab
Rahun hamesha main tere hisaar mein Yarab
خلیلِ رب کے لیے آگ جو لگائی تھی
کرم ہوا تھا تیرا خوب نار میں یارب
Khaleel-e-Rab ke liye aag jo lagayi thi
Karam hua tha tera khoob naar mein Yarab
حرا میں سید والا کی جب ہوئی آمد
تھا نور پھیلا ہوا تیرا غار میں یارب
Hira mein Sayyid wala ki jab hui aamad
Tha noor phela hua tera ghair mein Yarab
کرم تو تیرا مسلسل رہا ہے بندے پر
یہ خود رہا ہے غم روزگار میں یارب
Karam to tera musalsal raha hai bande par
Yeh khud raha hai gham rozgar mein Yarab
میں اپنے دل کا بہت احترام کرتا ہوں
قیام تیرا ہے دل کے دیار میں یارب
Main apne dil ka bohat ehtaram karta hoon
Qayam tera hai dil ke diyar mein Yarab
بچا کے پاک وطن کو خزاں سے اے مولا!
دعا ہے رکھنا اِسے تو بہار میں یارب
Bacha ke paak watan ko khizan se ae Maula!
Dua hai rakhna isey to bahar mein Yarab
بنے ہوئے ہیں جو فرعون اس وطن میں وہ
کھڑے ہوں یہ بھی تو مجرم قطار میں یارب
Bane hue hain jo Firaun is watan mein woh
Khade hon yeh bhi to mujrim qataar mein Yarab
وڈیروں اور لٹیروں کا راج ہے مولا!
غریبِ شہر کو رکھنا حصار میں یارب
Wadeeron aur luteeron ka raaj hai Maula!
Gharib-e-sheher ko rakhna hisaar mein Yarab
میں کیا ہوں کچھ نہیں، ذرّہ ہوں ایک اے طاہرؔ
ہے میری ذات بھلا کس شمار میں یارب
Main kya hoon kuch nahi, zarrah hoon ek ae Tahir
Hai meri zaat bhala kis shumaar mein Yarab
Share This Naat
Share with friends and family
میں خاکسار بھلا کس شمار میں یارب
طاہر سلطانی