جلوۂ عشقِ نبی دل میں بسا دے یا رب
خاکِ طیبہ سے نگاہوں کو ضیا دے یا رب
Jalwa-e-ishq-e-Nabi dil mein basa de ya Rab
Khaak-e-Taiba se nigahon ko ziya de ya Rab
میرے مولیٰ مجھے محشر کی تمازت سے بچا
اپنے محبوب کے دامن میں چھپا دے یا رب
Mere Maula mujhe mahshar ki tamazat se bacha
Apne mehboob ke daman mein chhupa de ya Rab
تیرے انعام و کرم کا ہے سرا جس سے ملا
ہاں وہی راستہ مجھ کو بھی چلا دے یا رب
Tere in'aam o karam ka hai sara jiss se mila
Haan wahi rasta mujh ko bhi chala de ya Rab
عظمتِ شاہِ مدینہ پہ قصیدہ لکھوں
فکرِ حسّان کی کچھ ایسی ادا دے یا رب
Azmat-e-Shah-e-Madina pe qaseeda likhoon
Fikr-e-Hassan ki kuch aisi ada de ya Rab
نورِ تقویٰ سے مزیّن ہو مری بزمِ حیات
قلب کو پاکی، نگاہوں کو حیا دے یا رب
Noor-e-taqwa se muzayyan ho meri bazm-e-hayat
Qalb ko paaki, nigahon ko haya de ya Rab
زندگی بھر میں رہوں دین پہ قائم، دائم
اپنی طاعت کی کلی دل میں کھِلا دے یا رب
Zindagi bhar mein rahoon deen pe qaim, daim
Apni ta'at ki kali dil mein khila de ya Rab
کاش بن جاؤں مدینے کا مسافر اک دن
جیتے جی روضۂ سرکار دکھا دے یا رب
Kaash ban jaoon Madine ka musaafir ek din
Jeete ji roza-e-Sarkar dikha de ya Rab
عمر بھر جس کا نشہ باقی رہے آنکھوں میں
جام وحدت کا مجھے ایسا پلا دے یا رب
Umar bhar jiss ka nasha baqi rahe aankhon mein
Jaam-e-wahdat ka mujhe aisa pila de ya Rab
جکڑا زنجیرِ مصائب میں ہے احمدؔ تیرا
رنج و کلفت کے سلاسل سے چھڑا دے یا رب
Jakda zanjeer-e-masaib mein hai Ahmad tera
Ranj o kulfat ke salasil se chhura de ya Rab
Share This Naat
Share with friends and family
جلوۂ عشقِ نبی دل میں بسا دے یا رب
مولانا طفیل احمد مصباحی