ہجومِ رنگ ہے میری ملول آنکھوں میں
بسا ہے جب سے ریاضِ رسولؐ آنکھوں میں
Hajoom-e-rang hai meri malool aankhon mein
Basa hai jab se riaz-e-rasoolؐ aankhon mein
تصّورات کے صحرا میں وہ حرم ابھرا
کھلےِ گلاب مری دھول دھول آنکھوں میں
Tasawwarat ke sahra mein woh haram ubhra
Khule gulab meri dhool dhool aankhon mein
فضائے فکر و نظر دُھل کے ہو گئی اُجلی
ہُوا وہ رحمتِ حق کا نزول آنکھوں میں
Fiza-e-fikr o nazar dhul ke ho gayi ujli
Hua woh rehmat-e-haq ka nazool aankhon mein
کہیں جو حد سے بڑھا میرا حسِ محرومی
امڈپڑا وہیں ابرِ قبول آنکھوں میں
Kahin jo had se barha mera hiss-e-mahroomi
Umadpada wahin abr-e-qabool aankhon mein
غم ِ حیات ، غمِ عاقبت ، غمِ فرقت
ہُوا ہے کتنے غموں کا شمول آنکھوں میں
Gham-e-hayat, gham-e-aqibat, gham-e-furqat
Hua hai kitne ghamon ka shamool aankhon mein
ہری کرے گا وہی شاخِ آرزو تائبؔ
کِھلائے جس نے عقیدت کے پھول آنکھوں میں
Hari karega wahi shaakh-e-arzoo taibؔ
Khilaye jis ne aqidat ke phool aankhon mein
Share This Naat
Share with friends and family
ہجومِ رنگ ہے میری ملول آنکھوں میں
حفیظ تائب