چشمِ دل چاہے جو اَنوار سے ربط
رکھے خاکِ دَرِ دِلدار سے ربط
Chashm-e-dil chahe jo anwar se rabt
Rakkhay khak-e-dar-e-dildar se rabt
ان کی نعمت کا طلبگار سے میل
ان کی رحمت کا گنہگار سے ربط
In ki neemat ka talabgar se mail
In ki rehmat ka gunahgar se rabt
دشت طیبہ کی جو دیکھ آئیں بہار
ہو عنادِل کو نہ گلزار سے ربط
Dasht-e-taybah ki jo dekh aayein bahar
Ho anadil ko na gulzar se rabt
یا خدا دِل نہ ملے دنیا سے
نہ ہو آئینہ کو زَنگار سے ربط
Ya khuda dil na milay duniya se
Na ho aina ko zangar se rabt
نفس سے میل نہ کرنا اے دل
قہر ہے ایسے ستم گار سے ربط
Nafs se mail na karna ae dil
Qahr hai aise sitam gar se rabt
دِلِ نجدی میں ہو کیوں ُحبِ حضور
ظلمتوں کو نہیں اَنوار سے ربط
Dil-e-najdi mein ho kyun hub-e-huzoor
Zulmaton ko nahi anwar se rabt
تلخی نزع سے اس کو کیا کام
ہو جسے لعل شکر بار سے ربط
Talkhi naza se is ko kya kaam
Ho jise laal shakar bar se rabt
خاک طیبہ کی اگر مل جائے
آپ صحت کرے بیمار سے ربط
Khak-e-taybah ki agar mil jaye
Aap sehat kare bimaar se rabt
ان کے دامانِ گہربار کو ہے
کاسۂ دست طلبگار سے ربط
In ke damaan-e-goharbar ko hai
Kasah-e-dast talabgar se rabt
کل ہے اِجلاس کا دن اَور ہمیں
میل عملہ سے نہ دَربار سے ربط
Kal hai ijlas ka din aur humein
Mail amla se na darbar se rabt
عمر یوں ان کی گلی میں گزرے
ذَرَّہ ذَرَّہ سے بڑھے پیار سے ربط
Umar yun in ki gali mein guzray
Zarra zarra se barrhay pyar se rabt
سرِ شوریدہ کو ہو دَر سے میل
کمرِ خستہ کو دِیوار سے ربط
Sar-e-shorida ko ho dar se mail
Kamar-e-khasta ko diwaar se rabt
اے حسنؔ خیر ہے کیا کرتے ہو
یار کو چھوڑ کر اَغیار سے ربط
Ae Hassan khair hai kya karte ho
Yar ko chhodh kar aghyar se rabt
Share This Naat
Share with friends and family
چشمِ دل چاہے جو اَنوار سے ربط
حسن رضا خان