ہے زیست کی بہار دیارِ رسولؐ میں
ملتا ہے ہر قرار دیارِ رسولؐ میں
Hai zeest ki bahar dyar-e-Rasool (S.A.W) mein
Milta hai har qarar dyar-e-Rasool (S.A.W) mein
خلدِ بریں ہے عرشِ معلیٰ ہے طور ہے
جلوے ہیں بے شمار دیار رسولؐ میں
Khald-e-Bareen hai Arsh-e-Mualla hai Toor hai
Jalway hain be shumar dyar-e-Rasool (S.A.W) mein
ان کے کرم نے بات بنائی تو بن گئی
پہنچے مآلِ کار دیارِ رسولؐ میں
Un ke karam ne baat banai to ban gai
Pohanchay ma'al-e-kaar dyar-e-Rasool (S.A.W) mein
ہوتی ہیں صاف کیسے دلوں کی کثافتیں
سب کچھ ہے آشکار دیارِ رسولؐ میں
Hoti hain saaf kaise dilon ki kasaftein
Sab kuch hai aashkar dyar-e-Rasool (S.A.W) mein
جی بھر کے پی رہے ہیں مئے سلسبیلِ عشق
پھر بھی ہیں ہوشیار دیارِ رسولؐ میں
Jee bhar ke pee rahe hain mai-e-Salsabeel-e-ishq
Phir bhi hain hoshiar dyar-e-Rasool (S.A.W) mein
ان کے لئے کشادہ ہے آغوش ِ ہر کرم
جتنے ہیں شرمسار دیارِ رسولؐ میں
Un ke liye kashaada hai aaghosh-e-har karam
Jitne hain sharmsar dyar-e-Rasool (S.A.W) mein
آئے تو اشکبار تھیں آنکھیں فراق میں
پہنچے بھی اشکبار دیارِ رسولؐ میں
Aaye to ashkbaar thin aankhen firaaq mein
Pohanchay bhi ashkbaar dyar-e-Rasool (S.A.W) mein
پڑھ کر نمازِ عشق سرِ آستان ِ قدس
خالد جبیں سنوار دیا رِ رسولؐ میں
Parh kar namaz-e-ishq sar-e-aastan-e-quds
Khalid jabeein sanwaar diya r-e-Rasool (S.A.W) mein
.
۔
Share This Naat
Share with friends and family
ہے زیست کی بہار دیارِ رسولؐ میں
خالد محمود خالد