اگر عشقِ نبی میں ضم نہیں ہے
اجل سے زندگی کچھ کم نہیں ہے
Agar ishq-e Nabi mein zam nahi hai
Ajal se zindagi kuch kam nahi hai
یہ احسانِ نبی کچھ کم نہیں ہے
مجھے دنیا میں کوئی غم نہیں ہے
Yeh ahsaan-e Nabi kuch kam nahi hai
Mujhe duniya mein koi gham nahi hai
خوشی کے ابر چھائے ہیں فضا میں
اداسی کا یہاں موسم نہیں ہے
Khushi ke abr chhaaye hain fiza mein
Udaasi ka yahaan mausam nahi hai
زباں کس کام کی ہے وہ کہ جس پر
ثنائے سرورِ عالم ﷺ نہیں ہے
Zabaan kis kaam ki hai woh ke jis par
Sanaaye Sarwar-e Aalam ﷺ nahi hai
کوئی بھی زخم ہوبھر جائے پل میں
درودوں سا کوئی مرہم نہیں ہے
Koi bhi zakhm ho bhar jaaye pal mein
Duroodon sa koi marham nahi hai
چلو سرکار کے نقشِ قدم پر
یہاں پر کوئی پیچ و خم نہیں ہے
Chalo Sarkaarr ke naqsh-e qadam par
Yahaan par koi pech o kham nahi hai
نبی کے چاہنے والوں کو چھو لے
بلاؤں میں ابھی وہ دم نہیں ہے
Nabi ke chahne walon ko choo le
Balaaon mein abhi woh dam nahi hai
رواں ہیں شہرِ طیبہ کے مسافر
کوئی پژ مردہ و بیدم نہیں ہے
Rawaan hain shehr-e Tayyiba ke musaafir
Koi paz murda o bedam nahi hai
شفیقؔ اپنے یہاں رُت ہے ثنا کی
غزل کا آج کل موسم نہیں ہے
Shafiq apne yahaan rut hai sana ki
Ghazal ka aaj kal mausam nahi hai
Share This Naat
Share with friends and family
اگر عشقِ نبی میں ضم نہیں ہے
شفیق ؔ رائے پوری