یارب ترے حبیب کی ہر دم ثنا کروں
تیرے کرم کا ساتھ ہو یہ ہی دعا کروں
Yaarab tere Habeeb ki har dam sana karun
Tere karam ka sath ho ye hi dua karun
دل میں ولائے سیدِ لولاک ہو بسی
ہر دم حضورِ قلب سے صلِ علیٰ کروں
Dil mein wilae Syed-e-Lolak ho basi
Har dam huzoor-e-qalb se sal-e-ala karun
میرے دیارِ قلب کی ہوختم تیرگی
عشقِ نبی کا قلب میں روشن دیا کروں
Mere deyare qalb ki ho khatm targaee
Ishq-e-Nabi ka qalb mein roshan diya karun
لب پر درودِ پاک کے نغمات ہوں رواں
کچھ اس طرح سے میں بھی تو خود سے وفا کروں
Lab par darood-e-paak ke naghmat hon rawaan
Kuch is tarha se mein bhi to khud se wafa karun
رکھ لیں کنیز مجھ کو اگر ملکۂ بہشت
پھر ہر گھڑی میں شکر کا سجدہ ادا کروں
Rakh lein kaneez mujh ko agar Malka-e-bahisht
Phir har ghari mein shukar ka sajda ada karun
قربت ملے حضور کی اس در پہ ہی رہوں
دنیا کی بھیڑ بھاڑ سے خود کو جدا کروں
Qurbat mile huzoor ki is dar pe hi rahun
Duniya ki bheerr bhar se khud ko juda karun
اپنا بنا لیں ناز کو سرکار ذی حشم
ان کے نعالِ پاک پہ میں جاں فدا کروں
Apna bana lein naz ko Sarkaar ze-Husham
Un ke naal-e-paak pe mein jaan fida karun
Share This Naat
Share with friends and family
یارب ترے حبیب کی ہر دم ثنا کروں
صفیہ ناز