کہاں ہو یَا رَسُوْلَ اللہ کہاں ہو
مری آنکھوں سے کیوں ایسے نہاں ہو
Kahan ho ya rasul Allah kahan ho
Meri aankhon se kyu aise nahan ho
گدا بن کر میں ڈھونڈوں تم کو دَر دَر
مرے آقا مجھے چھوڑا ہے کس پر
Gada ban kar mein dhoondon tum ko dar dar
Mere aaqa mujhe chhoda hai kis par
اگر میں خواب میں دِیدار پاؤں
لپٹ قدموں سے بس قربان جاؤں
Agar mein khwab mein deedaar paon
Lipat kadmon se bas qurban jaon
تمنا ہے تمہارے دیکھنے کی
نہیں ہے اس سے بڑھ کر کوئی نیکی
Tamanna hai tumhare dekhne ki
Nahi hai is se barh kar koi neki
بسو دل میں سما جاؤ نظر میں
ذرا آجاؤ اس ویرانہ گھر میں
Baso dil mein sama jao nazar mein
Zara aajao is veerana ghar mein
بنادو میرے سینہ کو مَدینہ
نکالو بحرِ غم سے یہ سفینہ
Banado mere seena ko madina
Nikalo bahr-e-gham se ye safeena
چھڑا لو غیر سے اپنا بناؤ
ہیں سب اچھوں کے بد کو تم نبھاؤ
Chhura lo gair se apna banao
Hain sab achon ke bad ko tum nibhao
مری بگڑی ہوئی حالت بنادو
مری سوئی ہوئی قسمت جگادو
Meri bigri hui haalat banado
Meri soyi hui qismat jagado
تمہارے سینکڑوں ہم سے گدا ہیں
ہمارے آپ ہی اِک آسرا ہیں
Tumhare seenkron hum se gada hain
Humare aap hi ik aasra hain
کھلائیں نعمتیں مجھ بے ہنر کو
دیا آرام مجھ گندے بشر کو
Khilayen naimatain mujh be hunar ko
Diya aaram mujh gande bashar ko
نہیں ہے ساتھ میرے کوئی توشہ
کٹھن منزل تمہارا ہے بھروسہ
Nahi hai saath mere koi tosha
Kathin manzil tumhara hai bharosa
کھلیں جب روزِ محشر میرے دفتر
رہے پردہ مرا محبوبِ داوَر
Khulein jab roz-e-mahshar mere daftar
Rahe parda mera mehboob-e-daawar
میں بے زَر ، بے ہنر ، بے پَر ہوں سالکؔ
مگر اُن کا ہوں وہ ہیں میرے مالک
Main be zar, be hunar, be par hoon Salik
Magar un ka hoon wo hain mere maalik
Share This Naat
Share with friends and family
کہاں ہو یَا رَسُوْلَ اللہ کہاں ہو
مفتی احمد یار نعیمی