سنور جائے مقدر اس کا بگڑا کام ہو جائے
جسے فضلِ الٰہی کا عطا انعام ہو جائے
Sanwar jaye muqaddar us ka bigra kaam ho jaye
Jisay fazl-e-ilahi ka ata inam ho jaye
جہاں میں درسِ اخلاقِ نبوت عام ہو جائے
دعا آجائے لب پر دور ہر دشنام ہو جائے
Jahan mein dars-e-akhlaq-e-nabuwat aam ho jaye
Dua ajaye lab par door har dushnaam ho jaye
قدم بوسی کرے گی سر بلندی خیرِ امت کی
اگر یہ واقعی پھر پیروِ اسلام ہو جائے
Qadam boosi kare gi sar bulandi khair-e-ummat ki
Agar yeh waqai phir pero-e-islam ho jaye
نظامِ مصطفیٰؐ دنیا میں ہوجائے اگر نافذ
تو رک جائے تشدد ختم قتلِ عام ہو جائے
Nizam-e-Mustafa ﷺ duniya mein ho jaye agar naafiz
To ruk jaye tashadud khatam qatl-e-aam ho jaye
ذرا سا بھی کرم ہوجائے آقاؐ ہم غلاموں پر
ہر اِک منصوبۂ اہلِ ستم ناکام ہو جائے
Zara sa bhi karam ho jaye Aqa ﷺ hum ghulamon par
Har ik mansuba-e-ahl-e-sitam nakaam ho jaye
فدا کردوں میں اپنے روز و شب اس شامِ رحمت پر
بسر طیبہ میں میری بھی اگر اِک شام ہو جائے
Fida kar doon main apne roz o shab is sham-e-rehmat par
Bisar Tayyaba mein meri bhi agar ik shaam ho jaye
ہمیں حُبِ نبیؐ کا ہے اگر دعویٰ تو لازم ہے
ہمارے دل کی دھڑکن مصطفیٰؐ کے نام ہو جائے
Humein hub-e-Nabi ﷺ ka hai agar daawa to laazim hai
Hamare dil ki dharkan Mustafa ﷺ ke naam ho jaye
غلامانِ نبیؐ لائیں نہ تخت و تاج خاطر میں
مدینے میں جو حاصل منصبِ خدام ہو جائے
Ghulaman-e-Nabi ﷺ layen na takht o taaj khatir mein
Madine mein jo hasil mansab-e-khuddam ho jaye
نگاہِ فیض ہو جائے اگر بہرِ خدا آقاؐ
تو احسؔن بے نیازِ گردشِ ایام ہو جائے
Nigaah-e-faiz ho jaye agar behr-e-Khuda Aqa ﷺ
To Ahsan be niyaaz-e-gardish-e-ayyam ho jaye
Share This Naat
Share with friends and family
سنور جائے مقدر اس کا بگڑا کام ہو جائے
احسن اعظمی