پھر اُٹھا وَلولۂ یادِ مُغِیلانِ عرب
پھر کھنچا دامن دل سُوئے بیابانِ عرب
Phir utha walwala yaad-e-mughilan-e-Arab
Phir khincha daman-e-dil soo-e-biaban-e-Arab
باغِ فردوس کو جاتے ہیں ہزارانِ عرب
ہائے صحرائے عرب ہائے بیابانِ عرب
Baagh-e-firdous ko jaate hain hazaran-e-Arab
Haaye sehra-e-Arab haaye biaban-e-Arab
میٹھی باتیں تِری دینِ عجم ایمانِ عرب
نَمکیں حُسن تِرا جانِ عجم شانِ عرب
Meethi baatein teri deen-e-ajam imaan-e-Arab
Namkeen husn tera jaan-e-ajam shaan-e-Arab
اب تو ہے گریۂ خوں گوہر دامانِ عرب
جس میں دو لعل تھے زہرا کے وہ تھی کانِ عرب
Ab to hai giriya-e-khoon gohar-e-daman-e-Arab
Jis mein do laal the Zahra ke woh thi kaan-e-Arab
دل وہی دل ہے جو آنکھوں سے ہو حیرانِ عرب
آنکھیں وہ آنکھیں ہیں جو دل سے ہوں قربانِ عرب
Dil wahi dil hai jo aankhon se ho hairan-e-Arab
Aankhein woh aankhein hain jo dil se hon qurban-e-Arab
ہائے کس وقت لگی پھانس اَلم کی دل میں
کہ بہت دُور رہے خارِ مُغِیلانِ عرب
Haaye kis waqt lagi phans alam ki dil mein
Ke bohat door rahe khaar-e-mughilan-e-Arab
فَصْلِ گل لاکھ نہ ہو وَصْل کی رکھ آس ہزا ر
پھولتے پھلتے ہیں بے فَصْل گلستانِ عرب
Fasl-e-gul lakh na ho wasl ki rakh aas hazaar
Phoolte phalte hain be fasl gulistan-e-Arab
صدقے ہونے کو چلے آتے ہیں لاکھوں گُلزار
کچھ عجب رنگ سے پُھولا ہے گلستانِ عرب
Sadqe hone ko chale aate hain lakhon gulzaar
Kuch ajab rang se phoola hai gulistan-e-Arab
عَنْدَلِیْبِی پہ جھگڑتے ہیں کٹے مَرتے ہیں
گُل و بُلبُل کو لڑاتا ہے گلِستانِ عرب
Andaleebi pe jhagarte hain kate marte hain
Gul o bulbul ko larata hai gulistan-e-Arab
صدقے رحمت کے کہاں پھول کہاں خار کا کام
خود ہے دامن کشِ بُلبُل گُلِ خندانِ عرب
Sadqe rehmat ke kahan phool kahan khaar ka kaam
Khud hai daman kash-e-bulbul gul-e-khandan-e-Arab
شادیَ حشر ہے صَدْقے میں چھٹیں گے قیدی
عرش پر دُھوم سے ہے دَعوتِ مہمانِ عرب
Shaadi-e-hashr hai sadqe mein chhutenge qaidi
Arsh par dhoom se hai dawat-e-mehmaan-e-Arab
چرچے ہوتے ہیں یہ کمھلائے ہوئے پھولوں میں
کیوں یہ دن دیکھتے پاتے جو بیابانِ عرب
Charche hote hain yeh kumhlaaye hue phoolon mein
Kyun yeh din dekhte paate jo biaban-e-Arab
تیرے بے دام کے بندے ہیں رئیسانِ عجم
تیرے بے دام کے بندی ہیں ہزارانِ عرب
Tere be daam ke bande hain raeesan-e-ajam
Tere be daam ke bandi hain hazaran-e-Arab
ہَشْت خلد آئیں وہاں کسب لطافت کو رضاؔ
چار دن برسے جہاں اَبر بہارانِ عرب
Hasht-e-khuld aayein wahan kasb-e-latafat ko Raza
Chaar din barse jahan abr-e-baharan-e-Arab
Share This Naat
Share with friends and family
پھر اُٹھا وَلولۂ یادِ مُغِیلانِ عرب
احمد رضا خان بریلوی