پہنچ گیا جو تمہارے در پر ، کہوں گا تم سے سلام سائیں
جو رہ گیا تو یہیں سے بھیجیں گے میرے آنسو، پیام سائیں
Pohanch gaya jo tumhare dar par, kahunga tum se salam sain
Jo reh gaya to yahin se bhejenge mere aansu, payam sain
تمہارے ہاتھوں میں دے دیا ہے خدا نے سارا نظام سائیں
کوئی تو کر دو میرے بھی آنے کا در پہ اب اہتمام سائیں
Tumhare hathon mein de diya hai Khuda ne sara nizam sain
Koi to kar do mere bhi ane ka dar pe ab ehtemam sain
عجیب لذّت ہے جو پکاروں میں اپنے آقا کا نام سائیں
جو سُن لے وہ خوش ہوئے ، بنا دیں گے میرے سب بگڑے کام سائیں
Ajeeb lazat hai jo pukaron mein apne aaqa ka naam sain
Jo sun le woh khush hue, bana denge mere sab bigrde kaam sain
ہزار ہیں نام آپ کے جو فصیح کوئی ، بلیغ کوئی
میں اتنا لکھا پڑھا کہاں ہوں قبول کر لو یہ نام سائیں
Hazaar hain naam aap ke jo fasih koi, baliagh koi
Mein itna likha padha kahan hoon qubool kar lo ye naam sain
بھٹائی کی اس میں آبرو ہے تو اس میں سہون کا رنگ و بو ہے
تمہارے نام کی بدولت ہیں وقت کے یہ امام سائیں
Bhitai ki is mein aabroo hai to is mein Sehwan ka rang o boo hai
Tumhare naam ki badolat hain waqt ke ye imam sain
میں حاضری کو ترس رہا ہوں نہ جانے کب سے تڑپ رہا ہوں
یہ ہجر میں کیسے دن کٹے گا یہ کیسے گزرے گی شام سائیں
Mein hazri ko tars raha hoon na jane kab se tarap raha hoon
Ye hijr mein kaise din katega ye kaise guzregi shaam sain
یہاں بھی تم ہی نے ہے سنبھالا ہر اِک مصیبت کو تم نے ٹالا
ہمارا ایماں ہے روزِ محشر وہاں بھی آؤ گے کام سائیں
Yahan bhi tum hi ne hai sambhala har aik museebat ko tum ne tala
Hamara eemaan hai roz e mashar wahan bhi aogay kaam sain
تمہیں سے ہم نے قرآن پایا تمہی نے حق سے ہمیں ملایا
جہاں میں جس کو بھی جو مِلا ہے دیا تمہیں نے تمام سائیں
Tumhe se hum ne Quran paaya tumhi ne haq se hume milaya
Jahan mein jis ko bhi jo mila hai diya tumhi ne tamam sain
ہزار حوریں ، فرشتے لاکھوں ، تھے با ادب محوِ دید اس دم
چلے سُوئے عرش جب زمیں سے وہ میرے مستِ خرام سائیں
Hazaar hoorain, farishte laakhon, the ba-adab mahw e deed is dam
Chale sooye arsh jab zameen se woh mere mast e kharaam sain
کبھی تو سائیں ادیبؔ کو بھی یہ حکم دیں گے کہ در پہ آجا
کبھی تو آئے گا اور سنائے گا اپنا تازہ کلام سائیں
Kabhi to sain Adeeb ko bhi ye hukum denge ke dar pe aaja
Kabhi to aayega aur sunayega apna tazaa kalaam sain
Share This Naat
Share with friends and family
پہنچ گیا جو تمہارے در پر
حضرت ادیب رائے پوری