سرکار جدوں آئے پُھل کِھڑ گئے بہاراں دے
دِن پھر گئے دُکھیاں دے نالے اَو گن باراں دے
Sarkar jadoon aaye phul khid gaye baharan de
Din phir gaye dukhiyan de nale o gan baran de
لے لعل حلیمہ نے جدوں سفر شروع کیتا
سب رستے مہک گئے ڈاچی دے سواراں دے
Le laal Halima ne jadoon safar shuru kita
Sab raste mehak gaye dachi de swaran de
سوہنے دے مدینے نوں ربّ رَج کے سجایا اے
کِتے جلوے نے گنبددے کِتے حسن میناراں دے
Sohne de Madine nu Rabb raj ke sajaya ae
Kite jalwe ne gumbad de kite husn minaran de
طیبہ دے ذرّے وی پئے جگ مگ کردے نے
کونین تے چرچے نے گلیاں تے بازاراں دے
Tayyiba de zarre vi paye jag mag karde ne
Kounain te charche ne galiyan te bazaran de
بڑی شان حرادی اے تے کڈی ثور دی خوش بختی
آقانے جلا بخشی بڑے رُتبے نے غاراں دے
Bari shaan Haradi ae te kadi Saur di khush bakhti
Aaqa ne jala bakhshi bade rutbe ne gharaan de
بڑا سوہنا منظرسی قبلے دے بدلن دا
سوہنے دی رضا ہو گئی رُخ پھر گئے قطاراں دے
Bada sohna manzar si qible de badlan da
Sohne di raza ho gayi rukh phir gaye qataraan de
قدماں وِچ بیھٹے نے جیہڑے عِشق دے روگی نے
میرے آقاجان دے نے سب حال بماراں دے
Qadmaan wich baitthe ne jehre ishq de rogi ne
Mere aaqa jaan de ne sab haal bimaran de
اَج ناز گدا گر نوں دیدار دی خیر ملے
ایتھے دامن بھردے نے لکھاں تے ہزاراں دے
Aj naz gada gar nu deedaar di khair mile
Ithe daman bharde ne likhan te hazaraan de
Share This Naat
Share with friends and family
سرکار جدوں آئے پُھل کِھڑ گئے بہاراں دے
صفیہ ناز