ہے تِرے واسطے سب حمد و ثنا یا اللہ
رب نہیں اور کوئی تیرے سوا یا اللہ
hai tire wastay sab hamd o sana ya Allah
rab nahi aur koi tire siwa ya Allah
تو ہی رحمٰن ہے سب بندوں پہ اور تو ہی رحیم
مالکِ روزِ جزا وصف تِرا یا اللہ
tu hi rahman hai sab bandon pe aur tu hi rahim
maalik-e-roz-e-jaza wasf tira ya Allah
تجھ کو ہم پوجیں فقط چاہیں مدد تجھ سے ہی
ہے دعا شرک سے ہم سب کو بچا یا اللہ
tujh ko hum poojhain faqat chahain madad tujh se hi
hai dua shirk se hum sab ko bacha ya Allah
جن پہ احسان کیا تونے انہی کا رستہ
جو کہ سیدھا بھی ہے ہم سب کو چلا یا اللہ
jin pe ehsaan kiya tune inhi ka rasta
jo ke seedha bhi hai hum sab ko chala ya Allah
جو ہیں بہکے ہوئے اور جن پہ غضب تیرا ہوا
ایسے گمراہوں کے رستے سے بچا یا اللہ
jo hain behke huay aur jin pe ghazab tira hua
aise gumrahon ke rastay se bacha ya Allah
تو ہے رزاق تِرا کھاتے ہیں سب شاہ و گدا
تو ہی کرتا ہے زمانے کو عطا یا اللہ
tu hai razzaq tira khatay hain sab shah o gada
tu hi karta hai zamane ko ata ya Allah
سارے محکوم تِرے حاکمِ مطلق ہے تو
حکم سے تیرے ہی چلتی ہے ہوا یا اللہ
saare mehkmon tire hakem-e-mutlaq hai tu
hukm se tire hi chalti hai hawa ya Allah
یاخدا اس کو زمانے سے مٹا دے یکسر
سارے عالم پہ جو پھیلی ہے وبا یا اللہ
ya khuda is ko zamane se mita de yaksar
saare aalam pe jo phaili hai waba ya Allah
مجھ کو ایمان کی حالت میں اٹھانا جگ سے
ہاتھ اُٹھے ہیں مِرے بہرِ دعا یا اللہ
mujh ko imaan ki halat mein uthana jag se
haath uthe hain mire behr-e-dua ya Allah
مرتے دم تک تِرا بندہ یہ شفیقِ ؔ عاصی
مصطفےٰ ﷺ کا رہے پابندِ وفا یا اللہ
marte dam tak tira banda yeh Shafeeq-e-asiya
Mustafa ﷺ ka rahay paband-e-wafa ya Allah
Share This Naat
Share with friends and family
ہے تِرے واسطے سب حمد و ثنا یا اللہ
شفیق ؔ رائے پوری