مدینہ جاتے ہوئے کام بس یہی کرنا
قدم قدم پہ ثنائے پیمبری کرنا
Madina jate hue kaam bas yehi karna
Qadam qadam pe sanae-paimbari karna
پھراس کے بعد سعادت کبھی ملے نہ ملے
درِ نبی کی زیارت گھڑی گھڑی کرنا
Phir is ke baad saadat kabhi mile na mile
Dar-e-Nabi ki ziarat ghari ghari karna
اگر ثنائے نبی میں قلم چلا ہی نہیں
تو پھر فضول ہے یہ شعر و شاعری کرنا
Agar sanae-Nabi mein qalam chala hi nahi
To phir fazool hai ye she'r o sha'iri karna
تمہیں زمانے کی تاریکیاں ستائیںجب
چراغِ عشقِ شہِ دیں سے روشنی کرنا
Tumhe zamane ki tareekiyan satayein jab
Chiragh-e-ishq-e-sheh-e-deen se roshni karna
نبی کا عشق ضروری ہے زندگی کے لئے
خدا کے بعد ہے لازم نبی نبی کرنا
Nabi ka ishq zaroori hai zindagi ke liye
Khuda ke baad hai laazim Nabi-Nabi karna
کٹانا پڑتا ہے سر بھی رہِ محبت میں
نہیں ہے اس قدر آسان عاشقی کرنا
Katana parta hai sar bhi rah-e-mohabbat mein
Nahi hai is qadar aasan aashiqi karna
مِرے رضا کو بخوبی ہنر یہ آتا ہے
لحد میں داغِ محبت سے روشنی کرنا
Mere Raza ko bakhubi hunar ye aata hai
Lahad mein daagh-e-mohabbat se roshni karna
شفیقؔ آیتِ لاَ تَرفَعُوا نظر میں رہے
درِ رسول ہے، قرآں کی پیروی کرنا
Shafiq aayat-e la tarfa'u nazar mein rahe
Dar-e-Rasul hai, Qur'an ki pairwi karna
Share This Naat
Share with friends and family
مدینہ جاتے ہوئے کام بس یہی کرنا
شفیق ؔ رائے پوری