جنابِ مصطفیٰ ہوں جس سے نا خوش
نہیں ممکن کہ ہو اس سے خدا خوش
Janaab-e-Mustafa hon jis se na khush
Nahi mumkin keh ho us se Khuda khush
شہِ کونین نے جب صدقہ بانٹا
زمانے بھر کو دَم میں کر دیا خوش
Sheh-e-Konain ne jab sadqa baanta
Zamane bhar ko dam mein kar diya khush
سلاطیں مانگتے ہیں بھیک اس سے
یہ اپنے گھر سے ہے ان کا گدا خوش
Salateen mangte hain bheek us se
Ye apne ghar se hai un ka gadda khush
پسند حق تعالیٰ تیری ہر بات
تِرے اَنداز خوش تیری ادا خوش
Pasand Haq Ta'ala teri har baat
Tere andaaz khush teri ada khush
مٹیں سب ظاہر و باطن کے اَمراض
مدینہ کی ہے یہ آب و ہوا خوش
Meten sab zahir o batin ke amraaz
Madina ki hai ye aab o hawa khush
فَتَرْضٰی کی محبت کے تقاضے
کہ جس سے آپ خوش اس سے خدا خوش
Fa-tardza ki muhabbat ke taqaze
Ke jis se aap khush us se Khuda khush
ہزاروں جرم کرتا ہوں شب و روز
خوشا قسمت نہیں وہ پھر بھی نا خوش
Hazaron jurm karta hon shab o roz
Khush-a kismat nahi woh phir bhi na khush
الٰہی دے مِرے دل کو غم عشق
نشاطِ دہر سے ہو جاؤں نا خوش
Ilahi de mere dil ko gham e ishq
Nishat-e-Dehr se ho jaon na khush
نہیں جاتیں کبھی دَشت نبی سے
کچھ ایسی ہے بہاروں کی فضا خوش
Nahi jaten kabhi dasht e Nabi se
Kuch aisi hai baharon ki faza khush
مدینے کی اگر سرحد نظر آئے
دلِ ناشاد ہو بے اِنتہا خوش
Madine ki agar sarhad nazar aaye
Dil-e-naashad ho be inteha khush
نہ لے آرام دَم بھر بے غم عشق
دلِ مضطر میں خوش میرا خدا خوش
Na le aaraam dam bhar be gham e ishq
Dil-e-muztar mein khush mera Khuda khush
نہ تھا ممکن کہ ایسی معصیت پر
گنہگاروں سے ہو جاتا خدا خوش
Na tha mumkin ke aisi ma'siyat par
Gunahagaron se ho jata Khuda khush
تمہاری روتی آنکھوں نے ہنسایا
تمہارے غمزدہ دل نے کیا خوش
Tumhari roti aankhon ne hasaya
Tumhare ghamzada dil ne kiya khush
الٰہی دھوپ ہو ان کی گلی کی
مِرے سر کو نہیں ظل ہما خوش
Ilahi dhoop ho unki gali ki
Mere sar ko nahi zil huma khush
حسنؔ نعت و چنیں شیریں بیانی
تو خوش باشی کہ کر دی وقتِ ماخوش
Hasan Naat o chineen sheerin bayaanee
Tu khush bashi ke kar di waqt e maa khush
Share This Naat
Share with friends and family
جنابِ مصطفیٰ ہوں جس سے نا خوش
حسن رضا خان