دونوں عالم میں ہے دن رات اُجالا تیرا
چھَب انوکھی ہے تری، حُسن نرالا تیرا
Donon aalam mein hai din rat ujala tera
Chhab anokhi hai teri, husn nirala tera
غنچہ و گُل میں ترے نقشِ کفِ پا کی جھلک
ہے بہارِ چمنستاں میں اُجالا تیرا
Ghuncha-o-gul mein tere naqsh-e-kaf-a-pa ki jhalak
Hai bahar-e-chamanistan mein ujala tera
مظہرِ نورِ ازل، مصدرِ انوارِ ابد
از ازل تا بہ ابد نُور دو بالا تیرا
Mazhar-e-noor-e-azal, masdar-e-anwaar-e-abad
Az azal ta ba abad noor do bala tera
اے شہِ ؐ حُسن! دو عالم ترے قدموں پہ نثار
خود بھی شیدائی ، اللہ تعالیٰ تیرا
Ae shah-e-husn! do aalam tere qadmon pe nisaar
Khud bhi shiedai, Allah ta'ala tera
زینتِ بزمِ جہاں، صورتِ زیبا تیری
سروِ گُلزارِ حقیقت، قدِ بالا تیرا
Zeenat-e-bazm-e-jahaan, soorat-e-zeeba teri
Sarv-e-gulzar-e-haqeeqat, qad-e-bala tera
جس جگہ تیری جھلک ہو، تری رعنائی ہو
جا ٹھہرتا ہے وہیں، دیکھنے والا تیرا
Jis jagah teri jhalak ho, teri ra'nai ho
Ja thehrta hai wahi, dekhne wala tera
شبِ معراج ہے عنوان تری رفعت کا
ذات ارفع ہے تری ذکر ہے اعلیٰ تیرا
Shab-e-maeraj hai unwan teri rafa'at ka
Zaat arfa hai teri, zikr hai aala tera
تُو ہے وہ شمعِ ضیا بار دو عالم کے لیے
ڈھونڈتے پھرتے ہیں کونین اُجالا تیرا
Tu hai woh shama-e-dhiya bar do aalam ke liye
Dhoondte phirte hain konain ujala tera
میری مرقد سے نکیرین پلٹ جائیں گے
اُن کو مِل جائے گا جس وقت حوالا تیرا
Meri marqad se nakeereen palat jaenge
Un ko mil jaega jis waqt hawala tera
فَسَیَکْفِیْکَہُمُ اللّٰہ سے یہ بات کُھلی
تُو ہے اللہ کا، اللہ تعالیٰ تیرا
Fa-sa-yak-fee-ka-hoomullah se ye baat khuli
Tu hai Allah ka, Allah ta'ala tera
حشر میں ایک قیامت مِرے دل پر گزری
بن گئی بات، وسیلہ جو نکالا تیرا
Hashar mein ek qayamat mere dil par guzri
Ban gayi baat, waseela jo nikala tera
صدقِ دل سے ہے نصیرؔ اہلِ طلب میں شامل
آسرا حشر میں ہے اے شہِؐ والا! تیرا
Sadiq-e-dil se hai Naseer ahl-e-talab mein shaamil
Aasra hashr mein hai ae shah-e-wala! tera
Share This Naat
Share with friends and family
دونوں عالم میں ہے دن رات اُجالا تیرا
سید نصیرالدیں نصیر