گنبدِ خضرا کی چاہت کا نشہ آنکھوں میں ہے
خوبصورت روشنی کا دائرہ آنکھوں میں ہے
Gunbad-e-Khazra ki chahat ka nasha aankhon mein hai
Khoobsurat roshni ka daira aankhon mein hai
ایک منزل دُور سے آواز دیتی ہے مجھے
ایک سیدھا اور سادہ راستہ آنکھوں میں ہے
Ek manzil door se aawaz deti hai mujhe
Ek seedha aur saada raasta aankhon mein hai
رتجگوں کا نور پلکوں سے نہیں اُترا ابھی
لذتِ کیفِ مسلسل کا نشہ آنکھوں میں ہے
Ratajgon ka noor palkon se nahi uttara abhi
Lazzat-e-kaif-e-musalsal ka nasha aankhon mein hai
دیکھتا ہوں آئینے کو آئینے کی آنکھ سے
میری آنکھیں آئینے میں آئینہ آنکھوں میں ہے
Dekhta hoon aaine ko aaine ki aankh se
Meri aankhein aaine mein aaina aankhon mein hai
ڈوبتے جاتے ہیں اس میں راستوں کے پیچ و خم
آنسوؤں کا جھلملاتا سلسلہ آنکھوں میں ہے
Doobte jate hain is mein raaston ke paich o kham
Ansuoon ka jhalmalata silsila aankhon mein hai
میں ابھی تک نیلگوں ماحول سے نکلا نہیں
حُسن میں ڈوبا ہوا اِک فاصلہ آنکھوں میں ہے
Main abhi tak neelgon mahol se nikla nahi
Husn mein dooba hua ik faasla aankhon mein hai
Share This Naat
Share with friends and family
گنبدِ خضرا کی چاہت کا نشہ آنکھوں میں ہے
انجم نیازی