گھپ اندھیرا تھا یہاں بزمِ حِرا سے پہلے
حُبس کتنا تھا رسالت کی گھٹا سے پہلے
Ghup andhera tha yahan bazm-e-hera se pehle
Hub-as kitna tha risalat ki ghata se pehle
کس طرح کھُلتا بھلا بابِ اجابت اُن پر
بھول جاتے تھے دُعا لوگ دُعا سے پہلے
Kis tarha khulta bhala bab-e-ijabat un par
Bhool jate the dua log dua se pehle
جانتا کوئی نہ تھا جیسے وفا کے معنی
ساری دنیا میں مرے جانِ وفا سے پہلے
Janta koi na tha jaise wafa ke ma‘ni
Saari duniya mein mere jan-e-wafa se pehle
سارے چہروں کا وہی حال ہوا کرتا تھا
حال پھولوں کا جو ہوتا ہے صبا سے پہلے
Sare chehron ka wahi hal hua karta tha
Hal phoolon ka jo hota hai saba se pehle
ایڑیاں کتنے رگڑتے تھے کہ بچ جائیں مگر
مر ہی جاتے تھے کوئی لوگ دوا سے پہلے
Erriyan kitne rag-Artay the ke bach jayein magar
Mar hi jaate the koi log dawa se pehle
جانے کتنے ہیں وہ نادان جو اُن کے گھر سے
لوٹ آتے ہیں یہاں اُن کی عطا سے پہلے
Jane kitne hain wo nadan jo un ke ghar se
Loot aate hain yahan un ki ata se pehle
تم نے سوچا ہے کبھی خلقِ خدا میں لوگو !
کون تھا جلوہ نما ارض و سما سے پہلے
Tum ne socha hai kabhi khalq-e-khuda mein logo!
Kaun tha jalwa numa ar-z o sama se pehle
کتنی بے جوڑ صدائیں تھیں جہاں میں انجؔم
شور ہی شور تھا رحمت کی صدا سے پہلے
Kitni be jor sadain thein jahan mein Anjam
Shor hi shor tha rehmat ki sada se pehle
Share This Naat
Share with friends and family
گھپ اندھیرا تھا یہاں بزمِ حِرا سے پہلے
انجم نیازی