Manqabat
گھرانہ ہے یہ اُن کا ، یہ علی کے گھر کی چادر ہے
گھرانہ ہے یہ اُن کا ، یہ علی کے گھر کی چادر ہے
مِرے آقا ، مِرے داتا ، مِرے سرور کی چادر ہے
Gharana hai yeh un ka, yeh Ali ke ghar ki chadar hai
Mire Aaqa, mire Daata, mire Sarwar ki chadar hai
نگاہیں چُومتی ہیں اور جھُوم اُٹھتی ہیں یہ کہہ کر
یہ مُحیِ الدّین بابُو جیؒ، شہ خوشتر کی چادر ہے
Nigahen choomti hain aur jhoom ut'thi hain yeh keh kar
Yeh Muhi-ud-deen Babu Ji (Rehmatullah Alaih), shah khushtar ki chadar hai
ہوئے دُشمن بھی جس کے معترف ، اغیار بھی قائل
نظر کے سامنے اِس وقت ، اُس دلبر کی چادر ہے
Huwe dushman bhi jis ke mu'tarif, aghyar bhi qa'il
Nazar ke samne is waqt, us dilbar ki chadar hai
وہ خود زیرِ زمیں تو دُھوم اُس کی آسمانوں تک
قوی تھا عجز سے جو ، ایسے زور آوَر کی چادر ہے
Woh khud zer-e-zameen to dhoom us ki aasmaanon tak
Qawi tha 'ajz se jo, aise zor awar ki chadar hai
جسے دیکھو ، عقیدت سے سجا لیتا ہے وہ سَر پر
سعادت کا نشاں ہے اور پھر چادر کی چادر ہے
Jise dekho, aqeedat se saja leta hai woh sar par
Sa'adat ka nishan hai aur phir chadar ki chadar hai
وہ جس پر اِس کا سایہ ہو قیامت تک نہیں ڈرتا
محمدؐ سے جسے نسبت ہے، یہ اُس گھر کی چادر ہے
Woh jis par is ka saaya ho qayamat tak nahi darta
Muhammad (Sallallahu Alaihi Wasallam) se jise nisbat hai, yeh us ghar ki chadar hai
نہ کیوں ہو جلوہء مہرِؒعلی ہر تارے سے ظاہر
شہِؒ جیلاں کے پیارے ، دین کے محور کی چادر ہے
Na kyu ho jalwah-e-mehr-e-Ali (Rehmatullah Alaih) har tare se zahir
Shah-e-Jilan ke pyare, deen ke mehvar ki chadar hai
فرشتے چُومتے ہیں ، اپنی آنکھوں سے لگاتے ہیں
زہے اوجِ مقدّر ! مرقدِ انور کی چادر ہے
Farishtay choomte hain, apni aankhon se lagate hain
Zahe oj-e-muqaddar! Marqad-e-anwar ki chadar hai
چمک اُٹّھے طریقت کی شعاعوں سے نقوش اُس کے
کہ یہ چادر ، شریعت آشنا پیکر کی چادر ہے
Chamak uth'the tariqat ki shua'on se naqosh us ke
Ke yeh chadar, shariat ashna paikar ki chadar hai
مِرے سَر پر ہے سایہ اُن کے پُر انوار دامن کا
مری آنکھوں میں ان کے جلوہء اطہر کی چادر ہے
Mire sar par hai saaya un ke pur anwar daaman ka
Meri aankhon mein un ke jalwah-e-athar ki chadar hai
شریعت جس پہ نازاں ، تذکرہ ہے اُس کا محفل میں
یہ چادر پاسبانِ مسجد ومنبر کی چادر ہے
Shariat jis pe nazaan, tazkira hai us ka mehfil mein
Yeh chadar paasbaan-e-masjid o minbar ki chadar hai
غنی جس نے کیا ہے دولتِ کونین سے مجھ کو
مِرے دستِ طلب میں ،اُس کرم گُستَر کی چادر ہے
Ghanee jis ne kiya hai dolat-e-konain se mujh ko
Mire dast-e-talab mein, us karam gustar ki chadar hai
جسے دیکھو ، وہ دیوانہ جسے دیکھو ، وہ متوالا
نصیرؔ اُن کی حسیں چادر ، عجب منظر کی چادر ہے
Jise dekho, woh deewana jise dekho, woh matwaala
Naseer un ki haseen chadar, ajab manzar ki chadar hai
Share This Naat
Share with friends and family
گھرانہ ہے یہ اُن کا ، یہ علی کے گھر کی چادر ہے
سید نصیرالدیں نصیر