Manqabat
کون لا سکتا ہے دنیا میں مثالِ اہلِ بیت
کون لا سکتا ہے دنیا میں مثالِ اہلِ بیت
آیہء تطہیر ہے شانِ کمالِ اہلِ بیت
Kon la sakta hai duniya mein misaal-e-Ahl-e-Bait
Aayah-e-Tatheer hai shaan-e-kamaal-e-Ahl-e-Bait
قطب و غوث و خواجہ و اوتاد و ابدال و ولی
حاملِ نورِ نبی اصحاب و آلِ اہلِ بیت
Qutub o Ghaus o Khwaja o Autaad o Abdaal o Wali
Haamil-e-noor-e-Nabi As'haab-o-Aal-e-Ahl-e-Bait
سیدھا سچا راستہ کیا ہے ہمیں بتلا دیا
قول و فعلِ مصطفیٰ ہے قیل و قالِ اہلِ بیت
Seedha sachha raasta kya hai humein batla diya
Qaul o fe'l-e-Mustafa hai qeel o qaal-e-Ahl-e-Bait
صدق و ایثار و سخا ایمان و ایقان و وفا
مظہرِ شانِ نبی جود و نوالِ اہلِ بیت
Sidq o eethar o sakha imaan o aiqaan o wafa
Maz'har-e-shaan-e-Nabi jood o nawaal-e-Ahl-e-Bait
حضرتِ صدیق و فاروق و غنی شیرِ خدا
چار یاری آئینے میں دیکھو حالِ اہلِ بیت
Hazrat-e-Siddiq o Farooq o Ghani sher-e-Khuda
Chaar yaari aayeene mein dekho haal-e-Ahl-e-Bait
ایک جانب ہیں حسن اور دوسری جانب حسین
مظہرِ نورِ محمد ہے جمالِ اہلِ بیت
Ek jaanib hain Hasan aur doosri jaanib Husain
Maz'har-e-noor-e-Muhammad hai jamaal-e-Ahl-e-Bait
ذکرِ اہلِ بیت تو نظمی کے گھر کی چیز ہے
اس سے بہتر کون کہہ سکتا ہے حالِ اہلِ بیت
Zikr-e-Ahl-e-Bait to Nazmi ke ghar ki cheez hai
Is se behtar kon keh sakta hai haal-e-Ahl-e-Bait
Share This Naat
Share with friends and family
کون لا سکتا ہے دنیا میں مثالِ اہلِ بیت
سید آل رسول حسنین میاں برکاتی نظمی