اے زائرینِ کعبۂ امّت خُوش آمدید
اے رہروانِ حجِّ سعادت خُوش آمدید
Ae zairin-e-ka'aba-e-ummat khush amdeed
Ae rahrwan-e-Hajj-e-sa'adat khush amdeed
اے حاجیانِ مرکزِ توحید السّلام
اے سَالکانِ منزلِ امّید السّلام
Ae hajian-e-markaz-e-Tauheed al-salam
Ae salikan-e-manzil-e-ummid al-salam
دیکھی تُمہاری چشمِ مُبارک نے وہ زمیں
جِس پر خمیدہ رہتی ہے افلاک کی جبیں
Dekhi tumhari chashm-e-mubarak ne woh zameen
Jis par khamida rehti hai aflak ki jabeen
قرآن جِس زمین پہ نازل کیا گیا
جس پر ہمارے دین کو کامل کیا گیا
Quran jis zameen pe naazil kiya gaya
Jis par hamare deen ko kamil kiya gaya
جبریل اُڑتے پھرتے تھے جس کی فضاؤں میں
آیاتِ حق کی گُونج تھی جِس کی ہَواؤں میں
Jibrael urdaray phirte the jis ki fizaon mein
Ayat-e-Haq ki goonj thi jis ki havaon mein
وہ سرزمینِ ذی شرف و پاک و محترم
چُومے ہیں جِس نے رحمتِ کونینؐ کے قدم
Woh zameen-e-zi sharaf o paak o mohtaram
Choome hain jis ne rehmat-e-konain ke qadam
وہ سرزمینِ قدس وہ اسلام کا وطن
جس سے ملی زمانے کو تہذیب و علم و فن
Woh zameen-e-quds woh Islam ka watan
Jis se mile zamane ko tahzeeb o ilm o fan
صدق و خلُوص و حکمت و ایمان و آگہی
احسان و عفو و عدل و مساوات و داوری
Siddq o khuloos o hikmat o imaan o aagahi
Ahsaan o afw o adal o masaawat o davari
صبر و رضا و طاعت و تسلیم و بندگی
فقر و غنا و رحمت و ایثار و دلبری
Sabr o raza o ta'at o tasleem o bandagi
Faqr o ghina o rehmat o isar o dalbari
توحید کا جمال، نبّوت کی چاندنی
اخلاق کے چراغ، تمدّن کی روشنی
Tauheed ka jamal, nabuwat ki chandni
Akhlaq ke charagh, tamaddun ki roshni
پھیلا جو چار سُو یہ اُجالا یقیں کا ہے
احسان ہر زمیں پہ اِسی سرزمیں کا ہے
Phela jo char su yeh ujala yaqeen ka hai
Ahsaan har zameen pe isi sarzameen ka hai
دیکھا ہے تُم نے کعبہء اسلام کا جمال
تُم نے مشاہدہ کیا توحید کا جلال
Dekha hai tum ne ka'aba-e-Islam ka jamal
Tum ne mushahida kiya tauheed ka jalal
حاصِل ہُوئی زیارتِ شہرِ رسولؐ بھی
دل کا کنول کھِلا ہے تمنّا کے پھُول بھی
Haasil hui ziarat-e-shahr-e-Rasool bhi
Dil ka kanwal khila hai tamana ke phool bhi
دیکھی ہیں تُم نے گنبدِ خضرا کی رفعتیں
لُوٹی ہیں تُم نے خطّۂ رحمت کی برکتیں
Dekhi hain tum ne gunbad-e-khazra ki rufatein
Looti hain tum ne khatta-e-rehmat ki barkatein
چُومی ہیں تُم نے روضۂ اقدس کی جالیاں
نذرِ حبیبؐ کی ہیں درودوں کی ڈالیاں
Choomi hain tum ne roz-e-aqdas ki jaaliyan
Nazar-e-Habeeb ki hain duroodon ki daalian
مَے خانۂ رسُول کے ساغر پئے ہُوئے
آئے ہو بے خودی کے خزانے لئے ہُوئے
Mai khana-e-Rasool ke saghar piye hue
Aaye ho be khudi ke khazane liye hue
اُس سرزمینِ پاک کے تحفے بھی ساتھ ہیں
تسبیحیں بھی ہیں ساتھ، لبادے بھی ساتھ ہیں
Us sarzameen-e-paak ke tohfe bhi saath hain
Tasbeehain bhi hain saath, libaade bhi saath hain
زمزم تمہارے پاس ہے خرما تمہارے پاس
خاکِ شفا و مہر و مصلّا تُمہارے پاس
Zamzam tumhare paas hai khurma tumhare paas
Khaak-e-shifa o mehr o musalla tumhare paas
یہ اتنے پاک تحفے ہیں مَیں ایک بھی جو پاؤں
آنکھوں سے چُوموں سر پہ رکھوں سینے سے لگاؤں
Yeh itne paak tohfe hain main ek bhi jo paon
Aankhon se choomun sar pe rakhun seene se lagaon
اِن تحفہ ہائے قدس کا ثانی یہاں کہاں
یہ تحفے تو ہیں شہرِ نبیؐ کی نشانیاں
In tohfa ha-e-quds ka saani yahan kahan
Yeh tohfe to hain shahr-e-Nabi ki nishaniyan
ہر تحفہ اِن میں ایسا ہے اعلیٰ کہیں جِسے
لیکن اک اور تحفہ ہے تقویٰ کہیں جسے
Har tohfa in mein aisa hai aala kahin jise
Lekin ek aur tohfa hai taqwa kahin jise
تُم جو دیارِ یثرب و بطحا سے آئے ہو
اے زائرو بتاؤ وہ تحفہ بھی لائے ہو
Tum jo diyar-e-Yathrib o Bat'ha se aaye ho
Ae zairo batao woh tohfa bhi laaye ho
وہ حج کہ جس سے قبل کی حالت بدل سکے
کردار جس سے دین کے سانچے میں ڈھل سکے
Woh Hajj ke jis se qabl ki halat badal sake
Kirdar jis se deen ke sanche mein dhal sake
چلتی رہے قدم بہ قدم دل کی روشنی
انساں گزارتا رہے تقویٰ کی زندگی
Chalti rahe qadam ba qadam dil ki roshni
Insaan guzarta rahe taqwa ki zindagi
تُم خُوش نصیب ہو کہ ہُوئے حج سے شاد کام
محروم اس شرف سے ابھی ہیں بہت عوام
Tum khush naseeb ho ke hue Hajj se shaad kaam
Mahroom is sharaf se abhi hain bahut awaam
جو نُور لے کے آئے ہو سب کو عطا کرو
اپنے معاشرے کو اِسی نُور سے بھرو
Jo noor le ke aaye ho sab ko ata karo
Apne mu'ashre ko isi noor se bharo
اب تُم پہ قیدِ شرع ہے اَب تُم اسیر ہو
اب تُم خُدا کے اور نبیؐ کے سفیر ہو
Ab tum pe qaid-e-shara' hai ab tum aseer ho
Ab tum Khuda ke aur Nabi ke safeer ho
یُوں ہو تمہاری ذات سے نیکی کا اہتمام
اپنے معاشرے میں بدی کا رہے نہ نام
Yun ho tumhari zaat se neki ka ihtimaam
Apne mu'ashre mein badi ka rahe na naam
اپنا معاشرہ جو گیا نیکیوں سے سج
ملتا رہے گا تُم کو برابر ثوابِ حج
Apna mu'ashra jo gaya nekeyon se saj
Milta rahega tum ko barabar sawab-e-Hajj
حُسنِ عمل کے پھُول کھلانے کا وقت ہے
تاریکیوں میں شمع جلانے کا وقت ہے
Husn-e-amal ke phool khilane ka waqt hai
Taarikiyon mein shama jalane ka waqt hai
Share This Naat
Share with friends and family
اے زائرینِ کعبۂ امّت خُوش آمدید
عاصی کرنالی