غماں دے ماریاں دا ہے سہارا
مدینے والیا تیرا دوارا
Ghaman de mariyan da hai sahara
Madeene waliya tera doara
غریباں ول کرم دی جھات پاجا
خدا دی سلطنت دیا تاجدارا
Ghareeban wal karam di jhaat pa ja
Khuda di saltanat diya tajdara
تیرا وسدا روئے سوہنا مدینہ
میری قسمت دا وی چمکے ستارا
Tera vasda roye sohna Madeena
Meri kismat da vi chamkaye sitara
غماں دے شوہ دے وچہ ڈبدی ہے جاندی
میری کشتی نوں مل جاوے کنارا
Ghaman de shoah de vich dabdi hai jandi
Meri kashti nu mil jaave kinara
پھڑن مینوں جدوں ربدے سپاہی
کریں اُس ویلے اُنگلی دا اشارا
Phadan mainu jado Rab de sipahi
Kare un vele ungli da ishara
توں اپنی آل دے صدقے کرم کر
کدوں تک میں پھراں گا مارا مارا
Tu apni aal de sadqe karam kar
Kadun tak main phiran ga mara mara
نیازی نوں بلا کے کول اپنے
کرا دے سبز گنبد دا نظارا
Niazi nu bula ke kol apne
Kara de sabz gunbad da nazara
Share This Naat
Share with friends and family
غماں دے ماریاں دا ہے سہارا
عبدالستار نیازی