دورِ ظلمت بیت گیا اب ساری دنیا روشن ہے
’’نورِ نبی سے ارض و سما کا ذرہ ذرہ روشن ہے‘‘
dor-e zulmat beet gaya ab sari dunya roshan hai
"Noor-e Nabi se arz o sama ka zarra zarra roshan hai"
چہرہ ہے ضَو بار کچھ ایسا ہر سو نور اجالا ہے
پرتَو اسی کا مہر و مہ ہیں ، تارا تارا روشن ہے
chehra hai zawa bar kuch aisa har su noor o jala hai
partaw usi ka mehr o meh hain, tara tara roshan hai
مشرق مغرب نور اجالا آج اسی کے دم سے ہے
کیونکہ اس دھرتی کے اوپر گنبدِ خضرا روشن ہے
mashriq maghrib noor o jala aaj usi ke dam se hai
kyun ke is dharti ke upar gunbad-e khizra roshan hai
دل میں جن کے یادِ نبی ہے ، لب پر ہر دم نعتِ نبی
منزل ہے آسان انہی کی ، ان ہی کا رستہ روشن ہے
dil mein jin ke yaad-e nabi hai, lab par har dam naat-e nabi
manzil hai asan inhi ki, in hi ka rasta roshan hai
قبر بھی اس کی روشن ہوگی ،حشر میں چہرہ چمکے گا
ذکرِ نبی سے اس دنیا میں جس کا سینہ روشن ہے
qabr bhi is ki roshan hogi, hashr mein chehra chamke ga
zikr-e nabi se is dunya mein jis ka seena roshan hai
شکر ہے مولا تو نے بخشی ، مدحت کی توفیق مجھے
میری قبر کا اس کے دم سے چپہ چپہ روشن ہے
shukar hai maula tu ne bakhshi, madhat ki tawfeeq mujhe
meri qabr ka us ke dam se chappa chappa roshan hai
ان کے نام پہ تو نے عاشق، تختۂ دار کو چوما ہے
غازی علم الدّین ! تمہارا نام ہمیشہ روشن ہے
un ke naam pe tu ne aashiq, tahta-e dar ko chuma hai
Gazi Ilm-ud-deen! tumhara naam hamesha roshan hai
اپنے ساتھ جلیل وفا کا ، ایسا صلہ وہ دیتے ہیں
اہلِ وفا کی قبر سرہانے آج بھی کتبہ روشن ہے
apne sath jaleel wafa ka, aisa sila wo dete hain
Ahl-e wafa ki qabr sirhane aaj bhi katba roshan hai
Share This Naat
Share with friends and family
دورِ ظلمت بیت گیا اب
حافظ عبدالجلیل