دلوں میں ارضِ بطحا کی جو لے کر آرزو نکلے
بٹھایا سب نے آنکھوں پر ، بڑے با آبرو نکلے
Diloon mein arz-e-bat'ha ki jo le kar aarzoo nikle
Bithaya sab ne aankhon par, baray ba aabroo nikle
سُنایا دردِ دل اُن کو تو سینہ ہو گیا ٹھنڈا
ہوئی چشمِ کرم اُن کی تو ہوکر سُرخرو نکلے
Sunaya dard-e-dil un ko to seena ho gaya thaanda
Hui chashm-e-karam un ki to ho kar surkh-roo nikle
مدینے میں اجل آئے ، وہیں پر ہو لحد میری
دلِ مُضطر میں پوشیدہ ، یہی اِک آرزو نکلے
Madine mein ajal aaye, wahiin par ho lahd meri
Dil-e-muztar mein posheeda, yehi ik aarzoo nikle
لبوں پر دم ہو جب میرا ،ترا دیدار ہو جائے
کہ دُنیا سے جو ہو رُخصت تو بندہ مشکبو نکلے
Labon par dam ho jab mera, tera deedaar ho jaye
Ke duniya se jo ho rukhsat to banda mushkboo nikle
زمین و آسماں میں جو،سبھی رحمٰن کے بندے
جو طاعت میں ہوئے کامل وہی پھرعبدہٗ نکلے
Zameen o aasman mein jo, sabhi Rehman ke bande
Jo ta'at mein huway kamil wahi phir abduhoo nikle
مہینہ آ گیا شاہا ! ترے دُنیا میں آنے کا
جلوس آقاْ مُحبّت کے جہاں میں کُو بکُو نکلے
Mahina aa gaya shaaha! Tere duniya mein aane ka
Juloos aaqa mohabbat ke jahan mein koo ba koo nikle
تری ناموس پر آقاْ ! رہیں گے سر بکف ہر دم
بدن سے آخری قطرہ نہ جس دم تک لہو نکلے
Teri naamoos par aaqa! Rahenge sar-ba-kaf har dam
Badan se aakhri qatra na jis dam tak lahoo nikle
عمل ہو سیرتِ سرکارِ دو عالم پہ ہر لمحے
جلیل اب زندگانی کی یہی بس جُستجو نکلے
Amal ho seerat-e-sarkaar-e-do aalam pe har lamha
Jaleel ab zindagani ki yehi bas justuju nikle
Share This Naat
Share with friends and family
دلوں میں ارضِ بطحا کی جو لے کر آرزو نکلے
حافظ عبدالجلیل