دل کی پیشانی مواجہ پہ جھکا لی جائے
آج سوئی ہوئی تقدیر جگا لی جائے
Dil ki peshaani muwajjah pe jhuka li jaaye
Aaj soyi hui taqdeer jaga li jaaye
شاہِ ابرارؐ سے اُلفت ہو مری نس نس میں
خواہشِ زر میرے سینے سے نکالی جائے
Shah-e-abrar (SAW) se ulfat ho meri nas nas mein
Khwaahish-e-zar mere seene se nikaali jaaye
دھر کے ماں باپ کے قدموں میں جبینِ اُلفت
عشقِ احمدؐ میں تڑپنے کی دُعا لی جائے
Dhar ke maan baap ke qadamoun mein jabeen-e-ulfat
Ishq-e-ahmad (SAW) mein tarapne ki dua li jaaye
تیریؐ مٹھی میں ہے کونین کی دولت ساری
کیسے خالی تریؐ چوکھٹ سے سوالی جائے
Teri (SAW) muthhi mein hai konain ki dolat saari
Kaise khaali teri (SAW) chaukhat se sawaali jaaye
زخم سینے کے کسی غیر کو دکھلائیں کیا
دل کی ہر بات مواجہ پہ سنا لی جائے
Zakhm seene ke kisi ghair ko dikhlaayein kya
Dil ki har baat muwajjah pe suna li jaaye
جانے کب جوش میں آ جائے کرم کا دریا
خواہشِ دید نگاہوں میں بسا لی جائے
Jaane kab josh mein aa jaaye karam ka darya
Khwaahish-e-deed nigahon mein basa li jaaye
دردِ فرقت ہے مدینے کے لیے روز افزوں
دردِ فرقت کی مدینے سے دوا لی جائے
Dard-e-furqat hai madine ke liye roz afzoon
Dard-e-furqat ki madine se dawa li jaaye
پل میں ہو جائیں گے کافور اندھیرے دل کے
دل میں تصویر مدینے کی سجا لی جائے
Pal mein ho jaayein ge kafoor andhere dil ke
Dil mein tasweer-e-madine ki saja li jaaye
گر ہے تسکینِ دل و جان کی خواہش اشفاقؔ
نعت ، سرکارؐ کی ہونٹوں پہ سجا لی جائے
Gar hai taskeen-e-dil o jaan ki khwahish Ashfaq
Naat, Sarkar (SAW) ki hothon pe saja li jaaye
Share This Naat
Share with friends and family
دل کی پیشانی مواجہ پہ جھکا لی جائے
اشفاق احمد غوری