تسکین جس سے پاتا ہے قلبِ صمیم چھیڑ
اے میرے خامہ ذکرِ رسولِ کریمؐ چھیڑ
Tasskeen jis se paata hai qalb-e-sameem chheR
Ae mere khaama zikr-e-rasool-e-kareemؐ chheR
قرآن جن کی شان میں رطب اللسان ہے
اس ذاتِ بے مثال کا ذکرِ عظیم چھیڑ
Quran jin ki shaan mein ratb ul-lisaan hai
Is zaat-e-be-misaal ka zikr-e-azeem chheR
پتھر بھی کھا کے جس نے دعا دشمنوں کو دی
توصیف ہائے ذاتِ رؤف الرّحیم چھیڑ
Pathar bhi kha ke jis ne dua dushmanon ko di
Tauseef haaye zaat-e-raoof ar-raheem chheR
تسنیم و سلسبیل کے ساقی کا تذکرہ
ذکرِ قسیمِ نعمت و وصفِ نعیم چھیڑ
Tasneem o salsabeel ke saaqi ka tazkira
Zikr-e-qaseem-e-ne'mat o wasf-e-naeem chheR
رحمت بنا کے دہر میں بھیجا رسولؐ کو
ذکرِ کرم نوازیِ ِربِ کریم چھیڑ
Rehmat bana ke dehr mein bheja rasoolؐ ko
Zikr-e-karam nawaziy-e-rab-e-kareem chheR
جو آیا بن کے ماویٰ و ملجیٰ یتیم کا
اے مدح خواں قصیدۂ دُرِ یتیم چھیڑ
Jo aaya ban ke maawa o malja yateem ka
Ae madah khwaan qaseedah-e-dur-e-yateem chheR
فرعونیت اُبھار رہی ہے سرِ غرور
پھر قِصّہ ہائے ضربِ عصائے کلیم چھیڑ
Fir'auniyat ubhaar rahi hai sar-e-ghuroor
Phir qissa haaye zarb-e-asaa-e-kaleem chheR
دیں گے شکست بدر میں گنتی کے چند لوگ
یہ اہلِ حق ہیں جنگ نہ ان سے غنیم چھیڑ
Denge shikast Badr mein ginti ke chand log
Yeh ahl-e-haq hain jung na in se ghaneem chheR
تاثیر جس کی سنگ کو بھی موم کر گئی
توصیفِ شانِ سیرتِ خلقِ عظیم چھیڑ
Taseer jis ki sang ko bhi mom kar gayi
Tauseef-e-shaan-e-seerat-e-khalq-e-azeem chheR
احسؔن ہے بے قرار، درِ شہ کی گفتگو
طیبہ سے آنے والی اے بادِ نسیم چھیڑ
Ahsan hai be qaraar, dar-e-sheh ki guftagu
Tayba se aane wali ae baad-e-naseem chheR
Share This Naat
Share with friends and family
تسکین جس سے پاتا ہے قلبِ صمیم چھیڑ
احسن اعظمی