دلِ مُضطر کی حالت ہے تُجھے معلوم یا اللہ
عطا کرنا سِوا اُس سے جو ہے مقسُوم یا اللہ
Dil-e-muztar ki haalat hai tujhe maloom ya Allah
Ata karna siwa us se jo hai maqsoom ya Allah
تُجھی سےمُلتجی ہیں ہم کرم ہر حال میں کرنا
ترے بندوں کے ہاتھوں سے لُٹے مظلوم یا اللہ
Tuji se multaji hain hum karam har haal mein karna
Tere bandon ke haathon se lute mazloom ya Allah
غموں نے مار ڈالا ہے ، اِنہیں تُو ٹال دے اب تو
ہے تیرے در پہ فریادی ، دلِ مغموم یا اللہ
Ghamon ne maar dala hai, inhein tu taal de ab to
Hai tere dar pe faryadi, dil-e-maghmoom ya Allah
مظالم کا نشانہ ہیں ، یہ کشمیری ترے بندے
یہ مرد و زن ،جواں بُوڑھے، کئی معصوم یا اللہ
Mazalim ka nishana hain, ye Kashmiri tere bande
Ye mard o zan, jawan boorhe, kai maasoom ya Allah
وطن میں چار سُو اب تو ہے ظلم و جور کا ڈیرہ
نِظامِ عدل اس دھرتی پہ ہے معدوم یا اللہ
Watan mein chaar soo ab to hai zulm o jor ka deera
Nizam-e-adl is dharti pe hai maadoom ya Allah
بچا لینا مرے مولا ! مجھ ایسے فردِ عاصی کو
ہر اِک ایسے عمل سے جو کہ ہو مذموم یا اللہ
Bacha lena mere Maula! Mujh aise fard-e-aasi ko
Har ik aise amal se jo keh ho mazoom ya Allah
اجیرن زندگی کر دے جو تیرے عام بندوں کی
نہ کرنا ایسے حاکِم کا ہمیں محکوم یا اللہ
Ajeeran zindagi kar de jo tere aam bandon ki
Na karna aise hakim ka humein mahkoom ya Allah
وطن میں چار سُو پھیلا ہے سمِّ فِرقہ واریّت
فضا میرے وطن کی ہو گئی مَسمُوم یا اللہ
Watan mein chaar soo phela hai summ-e-firqa variat
Fiza mere watan ki ho gayi masmoom ya Allah
مرے دل کی تمنا ہے کہ مرتے دم تلک مولا!
ترے محبوب ﷺ کی نعتیں کروں مرقُوم یا اللہ
Mere dil ki tamanna hai ke marte dum talak Maula!
Tere mehboob ﷺ ki naatein karoon marqoom ya Allah
ہر اِک نثّار و شاعر نے ، تری حمد و ثنا کی ہے
تجھے زیبا ، نثر ہو یا کہ ہو منظوم یا اللہ
Har ik nassar o shayar ne, teri hamd o sana ki hai
Tujhe zeeba, nass ho ya keh ho manzoom ya Allah
تُجھے معلُوم ہیں وہ بھی ، مِرےدل کی تمنّائیں
جو میرے دل کے گوشوں میں رہیں مکتُوم یا اللہ
Tujhe maloom hain wo bhi, mere dil ki tamannaein
Jo mere dil ke goshon mein rahin maktoom ya Allah
تری ہر اک عطا مولا ! درِ قاسم سے ملتی ہے
درِ قاسم تری مرضی سے ہے معلُوم یا اللہ
Teri har ek ata Maula! Dar-e-Qasim se milti hai
Dar-e-Qasim teri marzi se hai maloom ya Allah
تری مخلوق کے نافع ،تُجھے محبوب ہیں چُونکہ
سو مخلوقِ خُدا میری ، رہے مخدوم یا اللہ
Teri makhlooq ke nafe', tujhe mehboob hain chunkeh
So makhlooq-e-Khuda meri, rahe makhdum ya Allah
ترے بندوں پہ جب مولا ! تِرا ابرِ کرم برسے
جلیلِ بے ہُنر اُس سے ، نہ ہو محروم یا اللہ
Tere bandon pe jab Maula! Tera abr-e-karam barse
Jaleel-e-bay hunar us se, na ho mahroom ya Allah
Share This Naat
Share with friends and family
دلِ مُضطر کی حالت ہے تُجھے معلوم یا اللہ
حافظ عبدالجلیل