دریائے فنا سے ہے اک روز گزر جانا
اچھا ہے تیرا یاد سرکار میں مر جانا
Darya-e-fana se hai ik roz guzar jana
Acha hai tera yaad Sarkar mein mar jana
یہ عین حقیقت ہے کعبہ ہے بڑا افضل
عشاق نے کعبے کا کعبہ تیرا در جانا
Yeh ayn haqeeqat hai Kaaba hai bara afzal
Ushaaq ne Kaaba ka Kaaba tera dar jana
اس خلق معلیٰ کی تمثیل نہیں ملتی
خوشبوئے وفا بن کر ہر دل میں اتر جانا
Is khalq-e-mualla ki tamseel nahi milti
Khushboo-e-wafa ban kar har dil mein utar jana
یہ شمس و قمر ان کے چلتے ہیں اشارے پر
پھر تو نے انہیں کیونکر اپنا سا بشر جانا
Yeh shams o qamar in ke chalte hain ishaare par
Phir tu ne inhe kyonkar apna sa bashar jana
آقا کو سنا دینا سب حال دل مضطر
اے باد صبا تیرا طیبہ ہو اگر جانا
Aqa ko suna dena sab haal-e-dil-e-muztar
Ae bad-e-saba tera Tayiba ho agar jana
آقا کی عنایت کے انداز حسیں دیکھے
بن مانگے ہی منگتوں کی جھولی کا وہ بھر جانا
Aaqa ki inayat ke andaaz haseen dekhe
Bin maange hi mangton ki jholi ka woh bhar jana
جبریل سے پوچھو تو کہتے ہیں ادب کس کو
چپ چاپ بندھے ہاتھوں سرکار کے در جانا
Jibreel se poocho to kehte hain adab kisko
Chup chaap bandhe haathon Sarkar ke dar jana
پلکوں پہ سجا لینا اشکوں کے حسین موتی
محبوب کی گلیوں سے چپ چاپ گزر جانا
Palkon pe saja lena ashkon ke haseen moti
Mahboob ki galiyon se chup chaap guzar jana
جی چاہتا ہے دیکھوں پھر جلوے مدینے کے
اے کاش مدینے میں ہو بار دگر جانا
Ji chahta hai dekhun phir jalwe Madine ke
Ae kaash Madine mein ho baar digar jana
دنیا کی مسافت سے تھک ہار گیا ہوں اب
قسمت میں نیازی ہو طیبہ میں ٹھہر جانا
Duniya ki masaafat se thak haar gaya hun ab
Qismat mein Niazi ho Tayyiba mein theher jana
Share This Naat
Share with friends and family
دریائے فنا سے ہے اک روز گزر جانا
عبدالستار نیازی