بس جائے اگر دل میں دل آرائے مدینہ
واللہ یہ سِینہ مرا بن جائے مدینہ
Bas jaye agar dil mein dil araye Madina
Wallah ye seena mera ban jaye Madina
ہَے یُوں تو ہر اک دِل میں تمنّائے مدینہ
آئی ہے کِدھر سے یہ صدا ہائے مدینہ
Hai yun to har ik dil mein tamanna e Madina
Aayi hai kidhar se ye sada haye Madina
وہ دل نہیں جس میں نہ محمدؐ کی تڑپ ہو
وہ سر نہیں جس میں نہ ہو سَودائے مدینہ
Woh dil nahi jis mein na Muhammadؐ ki tarap ho
Woh sar nahi jis mein na ho sauda e Madina
جنّت کے نظارے کی ہوس ہو جِسے اے دل
وہ شوق سے اک مرتبہ دیکھ آئے مدینہ
Jannat ke nazare ki hawas ho jise ae dil
Woh shauq se ek martaba dekh aaye Madina
اُس گُنبدِ خضرا کی طرف آنکھ اُٹھانا
ہے ترکِ اَدب اے دِل شیدائے مدینہ
Us gumbad e khazra ki taraf aankh uthana
Hai tark e adab ae dil shayda e Madina
موت آئے اور اِس حال میں آئے تو مزا ہو
ہو لب پہ ثنائے شہِ والائے مدینہ
Maut aaye aur is haal mein aaye to maza ho
Ho lab pe sana e shah e wala e Madina
سر پر رکھوں اعظؔم اُسے آنکھوں پہ بٹھالُوں
ہاتھ آئے جو اک ذرّۂ صحرائے مدینہ
Sar par rakhoon Azam use aankhon pe bitha loon
Haath aaye jo ek zarra e sehra e Madina
Share This Naat
Share with friends and family
بس جائے اگر دل میں دل آرائے مدینہ
محمد اعظم چشتی