چھٹ گئی گردِ سفر مل گئی کھوئی منزل
راہ بھٹکے ہوئے اس دہر نے پائی منزل
Chatt gayi gard-e-safar mil gayi khoi manzil
Rah bhatke hue is daur ne pai manzil
جوق در جوق چلی سمتِ پیمبر خلقت
ایسی اسلام کی ہر قوم کو بھائی منزل
Joqq dar joqq chali simt-e-paighambar khalqat
Aisi Islam ki har qaum ko bhai manzil
آپ نے معرفتِ حق کا پتہ بتلایا
چل کے خود راہِ عمل پر بھی دکھائی منزل
Aap ne ma'rifat-e-haq ka pata batlaaya
Chal ke khud raah-e-amal par bhi dikhai manzil
لوگ خود چل کے گئے منزلِ خوش بختی تک
اے حلیمہ تری خود گود میں آئی منزل
Log khud chal ke gaye manzil-e-khush bakhti tak
Ae Haleema teri khud god mein aayi manzil
دہر میں گونجی صدا جس گھڑی جاء الحق کی
سونی سونی سی ہوئی کفر کی جھوٹی منزل
Daur mein goonji sada jis ghadi jaa'a al-haq ki
Suni suni si hui kufr ki jhooti manzil
دل میں ایمان و یقیں حُبَّ نبیؐ پیدا کر
سہل کرنی ہے اگر قبر کی پہلی منزل
Dil mein imaan-o-yaqin hub-e-nabi(p.b.u.h) paida kar
Sahl karni hai agar qabr ki pehli manzil
ہے اگر شافعِ محشر کی شفاعت کا یقیں
تجھ کو مل جائے گی محشر میں بھی اپنی منزل
Hai agar shafi-e-mahshar ki shifaat ka yaqeen
Tujh ko mil jayegi mahshar mein bhi apni manzil
تو بھی وابستہ درِ رہبر حق سے ہوجا
بالیقیں تجھ کو بھی مل جائے گی حق کی منزل
Tu bhi wabasta dar-e-rahbar-e-haq se ho ja
Baliqeen tujh ko bhi mil jayegi haq ki manzil
چھوڑ دنیا کی ہوس فکر تو کر عقبیٰ کی
عاقبت ہی تری احسؔن ہے حقیقی منزل
Chhor duniya ki hawas fikr tu kar uqba ki
Aaqibat hi teri Ahsaؔn hai haqiqi manzil
Share This Naat
Share with friends and family
چھٹ گئی گردِ سفر مل گئی کھوئی منزل
احسن اعظمی