چا چڑھیا سارے عالم نوں ، سرکار دی آمد ہو گئی اے
ہر پاسے چانن ہو گیا اے ، انوار دی آمد ہو گئی اے
Cha chadhiya sare aalam nu, Sarkar di amad ho gayi ae
Har pase chanan ho gaya ae, anwar di amad ho gayi ae
خوشیاں نے پھیرا پایا اے ، ہن نواں سویرا آیا اے
ہن غم کتھے رہ جانے نے، غمخوار دی آمد ہو گئی اے
Khushiyan ne phera paya ae, hun nawa savera aya ae
Hun gham kithe reh janay ne, ghamkhar di amad ho gayi ae
رب پاک کرم فرماوے گا ، دو منگناں ایں مل جاوے گا
آج مک گئی ہر مجبوری اے، مختار دی آمد ہو گئی اے
Rab paak karam farmawe ga, do mangna ae mil jawe ga
Aaj muk gayi har majboori ae, mukhtar di amad ho gayi ae
محفل تے مستی چھا گئی اے ، وا ٹھنڈی ٹھنڈی آگئی اے
دل والیو دل نوں سانبھ لوو ، دلدار دی آمد ہو گئی اے
Mehfil te masti chha gayi ae, wa thandi thandi aagai ae
Dil waliya dil nu sanbh lo, dildar di amad ho gayi ae
گل وچ پا طوق غلامی دا ، کرو پورا فرض سلامی دا
اے محفل والیو نبیاں دے ، سردار دی آمد ہو گئی اے
Gul vich pa tauq ghulami da, karo poora farz salami da
Ae mehfil waliya nabiyan de, Sardar di amad ho gayi ae
جس ورگا ماں نے جنیاں نہیں ، جس ورگا دوجا بنیاں نہیں
بے مل خُدا دے اُس سوہنے ، شہکار دی آمد ہو گئی اے
Jis warga maan ne janiya nahi, jis warga dooja baniya nahi
Be mil khuda de us sohne, shahkar di amad ho gayi ae
سرکار دے ناں دا صدقہ اے ، دلدار دے ناں دا صدقہ اے
ہن نعتاں لکھدا جا صائم ، اشعار دی آمد ہو گئی اے
Sarkar de naan da sadqa ae, dildar de naan da sadqa ae
Hun naatan likhda ja Saima, ash'ar di amad ho gayi ae
Share This Naat
Share with friends and family
چا چڑھیا سارے عالم نوں سرکار دی آمد ہو گئی اے
علامہ صائم چشتی