بے حد و انتہا ہے برکت درود کی
افکار میں سوا ہے فرحت درود کی
Be had o inteha hai barkat darood ki
Afkar mein sawa hai farhat darood ki
قربت کا سلسلہ ہے آقا کریم سے
کیف آفریں بہت ہے کثرت درود کی
Qurbat ka silsila hai aaqa kareem se
Kaif aafreen bohat hai kasrat darood ki
اس دل میں ہو گا روشن اک نور کا دیا
جس دل میں بس گئی ہو الفت درود کی
Is dil mein ho ga roshan ik noor ka diya
Jis dil mein bas gayi ho ulfat darood ki
محسوس ان کو ہو گی خوشبو حضور کی
جن کو بھی مل گئی ہے نعمت درود کی
Mahsoos unko ho gi khushboo huzoor ki
Jin ko bhi mil gayi hai ni'mat darood ki
سر پر درود محشر میں ہوگا سائباں
گھیرے رہے گی ہم کو رحمت درود کی
Sar par darood mahshar mein ho ga sa'ibaan
Gheray rahe gi hum ko rehmat darood ki
مقبولیت دعا کی ہوتی ہے اس کے ساتھ
دیکھی ہے یہ بھی اکثر حکمت درود کی
Maqbooliyat dua ki hoti hai is ke saath
Dekhi hai ye bhi aksar hikmat darood ki
آلِ نبی کا صدقہ توفیق مل گئی
صد شکر ناز کو ہے عادت درود کی
Aal-e-nabi ka sadqa tofeeq mil gayi
Sad shukar naz ko hai aadat darood ki
Share This Naat
Share with friends and family
بے حد و انتہا ہے برکت درود کی
صفیہ ناز